மோடியின் பயணத்திற்காக வாங்கப்பட்ட அதி நவீன கார் - மலைக்க வைக்கும் விலை
இந்திய பிரதமர் நரேந்திர மோடியின் பாதுகாப்பைக் கருத்தில் கொண்டு, சுமார் 12 கோடி ரூபாய் மதிப்புள்ள அதிநவீன கார் வாங்கப்பட்டுள்ளது.
வழக்கமாக பிரதமருக்கு எந்த வகையான பாதுகாப்பு அம்சங்கள் கொண்ட காரைப் பயன்படுத்த வேண்டும் என்பதை, அவரது பாதுகாப்பு அதிகாரிகள்தான் முடிவு செய்கின்றனர். இந்த நிலையில்தான் அதிக பாதுகாப்பு கொண்ட காரைப் பயன்படுத்தும் படி பாதுகாப்பு அதிகாரிகள் பிரதமரைக் கேட்டுக் கொண்டனர்.
அதன்படி, Mercedes-Maybach S 650 Guard கார் தற்போது பிரதமரின் பயணத்திற்குப் பயன்படுத்தப்பட்டு வருகிறது. அண்மையில் ரஷ்ய அதிபர் புடினுடனான சந்திப்பின்போது, இந்தக் காரில் தான் பிரதமர் ஹைதராபாத் இல்லத்திற்கு வந்திருந்தார்.
இந்தக் கார், ஏகே 47 ரக துப்பாக்கித் தோட்டாக்கள்கூட துளைக்காத அளவிற்கு பாதுகாப்பு உறுதி கொண்டதாகும். 2 மீட்டர் தூரத்தில் 15 கிலோ அளவிற்கு வெடி மருந்து வெடித்தாலும் உள்ளே இருப்பவர்களுக்கு எந்தச் சேதமும் ஏற்படாத வண்ணம் இந்த கார் வடிவமைக்கப்பட்டுள்ளது.
இதன் கண்ணாடிகள் அனைத்தும் உள்புறமாக பாலி கார்பனேட் பூச்சு பூசப்பட்டுள்ளன. விஷவாயு தாக்குதல் நடத்தப்பட்டாலும் காரில் இருப்பவர்களுக்கு தனியாக காற்று விநியோகம் கிடைக்கும்.
அதிகபட்சமாக மணிக்கு 160 கிலோ மீட்டர் வேகத்தில் செல்லும் இந்த காரின் டயர்கள் சேதமடைந்தாலோ பஞ்சர் ஆனாலோ காற்று இறங்காத வண்ணம் தயாரிக்கப்பட்டுள்ளது.
இதுதவிர பயணிப்போரின் வசதிக்காகவும், நீண்டதூர பயணத்திற்காகவும் இருக்கைகளிலும் பல்வேறு ஏற்பாடுகள் செய்யப்பட்டுள்ளன.
இந்த ஆண்டுத் தொடக்கத்தில்தான் இதேபோன்ற கார் குடியரசுத் தலைவர் ராம்நாத் கோவிந்த் பயணம் செய்ய வாங்கப்பட்ட நிலையில், தற்போது பிரதமருக்கும் வழங்கப்பட்டுள்ளது.
யாழ் நாரந்தனை கிழக்கு, Jaffna, கொழும்பு, Zürich, Switzerland
25 Apr, 2026
மாத்தளை, கிளிநொச்சி, புங்குடுதீவு 3ம் வட்டாரம், புங்குடுதீவு குறிகட்டுவான், Villeneuve-Saint-Georges, France
22 May, 2026
ஆவரங்கால், Bremerhaven, Germany, Fribourg, Switzerland, Chennai, India
24 May, 2021
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015
