உள்நாட்டுக் கடன் மறுசீரமைப்பு தொடர்பான கோரிக்கையை நிராகரித்த சபாநாயகர்
உள்நாட்டுக் கடன் மறுசீரமைப்பு வேலைத்திட்டம் தொடர்பான தனது தீர்ப்பை மீளப்பெறுமாறு எதிர்க்கட்சி நாடாளுமன்ற உறுப்பினர்கள் விடுத்த கோரிக்கையை சபாநாயகர் மஹிந்த யாப்பா அபேவர்தன இன்று (11) நிராகரித்துள்ளார்.
சட்டப் பேரவையினால் நிறைவேற்றப்பட்ட தீர்மானத்திற்கு எதிராக எந்த வகையிலும் உத்தரவு பிறப்பிக்க நீதித்துறைக்கு அதிகாரம் இல்லை.
நேற்று முன்தினம் (09) சபாநாயகர் அளித்த தீர்ப்பு தவறான முன்னுதாரணமாக அமையும் என்றும், அது நாடாளுமன்றங்களுக்கிடையேயான மோதலுக்கு வழிவகுக்கும் என்றும் எதிர்க்கட்சி நாடாளுமன்ற உறுப்பினர்கள் தெரிவித்தனர்.
நெருக்கடிக்கு உள்ளாக்கும்
இந்த தீர்மானம் நீதித்துறை மற்றும் அரசியலமைப்பை நெருக்கடிக்கு உள்ளாக்கும் என்றும் குறிப்பிடப்பட்டது.
சபாநாயகரிடம் ஆரம்பக் கோரிக்கையை முன்வைத்த தேசிய மக்கள் சக்தியின் நாடாளுமன்ற உறுப்பினர் அனுரகுமார திஸாநாயக்க," எந்தவொரு நீதிமன்ற வழக்கு தொடர்பாகவும் நீதித்துறை எந்தத் தீர்ப்பையும் வழங்கவிடாமல் தடுக்கப்படும் சூழ்நிலை எதிர்காலத்தில் ஏற்படும் என்பதால் இந்த தீர்ப்பு ஆபத்தான முன்னுதாரணமாக அமையும்" என்று கூறினார்.
"எனினும் உள்நாட்டு கடன் மறுசீரமைப்புக்கு எதிராக தாக்கல் செய்யப்பட்ட மனுவை நீதிமன்றங்கள் தள்ளுபடி செய்துள்ளன, அரசாங்கம் விரும்பியது கிடைத்துள்ளது, எனவே உங்கள் தீர்ப்பை திரும்பப் பெறுமாறு கேட்டுக்கொள்கிறேன், அதைச் செய்தால் உங்களாலும் உங்கள் கௌரவத்தைப் பாதுகாக்க முடியும்” என்றும் அனுரகுமார திஸாநாயக்க மேலும் தெரிவித்தார்.
அளவெட்டி, London, United Kingdom, Wales, United Kingdom
19 Apr, 2023
புங்குடுதீவு 5ம் வட்டாரம், புங்குடுதீவு 6ம் வட்டாரம், Montreal, Canada
19 Apr, 2013
புங்குடுதீவு 10ம் வட்டாரம், Biel/Bienne, Switzerland, Brampton, Canada
17 Apr, 2025
ஓட்டுமடம், புங்குடுதீவு 6ம் வட்டாரம், திருச்சி, India, Toronto, Canada
17 Apr, 2015
