அமெரிக்காவின் இரகசியத் தகவல் சீனாவிடம்! வழங்க முயன்ற இராணுவ சிப்பாய் கைது

United States of America China World

By Dilakshan Oct 07, 2023 07:09 PM GMT

Dilakshan

in உலகம்

Report

சீனாவின் உளவு சேவைக்கு அமெரிக்காவின் இரகசியத் தகவல்களை வழங்க முயன்றதற்காக குற்றஞ்சாட்டப்பட்டு அமெரிக்க இராணுவ சிப்பாய் ஒருவர் கைது செய்யப்பட்டுள்ளார்.

குறித்த சிப்பாய் ஹாங்காங்கில் இருந்து வந்த பிறகு சான் பிரான்சிஸ்கோ விமான நிலையத்தில் கைது செய்யப்பட்டதாக கூறப்படுகிறது.

அமெரிக்காவின் தேசிய பாதுகாப்பு இரகசியங்களை சீனாவுக்கு வழங்குவதற்கான முயற்சிகளை விவரிக்கும் பல ஆவணங்கள் மற்றும் கூகுள் தேடல்களை அவர் செய்ததாகக் கூறப்படுகிறது.

சத்தியப்பிரமாணம்

சம்பவம் தொடர்பில் வாஷிங்டனின் மேற்கு மாவட்டத்தின் அமெரிக்க வழக்கறிஞர் டெஸ்ஸா கோர்மன் கூறுகையில், "எங்கள் நாட்டையும் அரசியலமைப்பையும் பாதுகாப்பதாக எங்கள் இராணுவத்தின் உறுப்பினர்கள் சத்தியப்பிரமாணம் செய்கிறார்கள்.

அமெரிக்காவின் இரகசியத் தகவல் சீனாவிடம்! வழங்க முயன்ற இராணுவ சிப்பாய் கைது | Us Army Soldier Has Been Arrested China Spy Serv

அந்தச் சூழலில், இந்த முன்னாள் இராணுவ உறுப்பினரின் கூறப்படும் நடவடிக்கைகள் அதிர்ச்சியளிக்கின்றன” என கூறியுள்ளார். மேலும், குற்றம் நிரூபிக்கப்பட்டால் அவர் பல தசாப்தங்களாக சிறையில் அடைக்கப்படுவார் என்றும் தெரிவித்துள்ளார்.

அதேவேளை இரண்டு மாதங்களுக்கு முன்பு தெற்கு கலிபோர்னியாவில் சீனாவுக்காக உளவு பார்த்ததற்காக அமெரிக்க கடற்படையின் இரண்டு செயலில் கடமையாற்றிய உறுப்பினர்கள் கைது செய்யப்பட்டமை குறிப்பிடத்தக்கது.