சவூதியிலுள்ள அமெரிக்கர்களுக்கு விடுக்கப்பட்டுள்ள அவசர எச்சரிக்கை!

சவூதியிலுள்ள தனது நாட்டுப் பிரஜைகளுக்காக அமெரிக்கத் தூதரகம் புதிய அவசரப் பாதுகாப்பு எச்சரிக்கை ஒன்றை வெளியிட்டுள்ளது.

சவூதி அரேபியாவின் உள்கட்டமைப்புகள் மற்றும் விமான நிலையங்களை இலக்கு வைத்து ஏமனின் ஹூதி ஆயுதக் குழுவினர் நடத்தி வரும் தொடர் ட்ரோன் மற்றும் ஏவுகணைத் தாக்குதல்களைத் தொடர்ந்து இந்த எச்சரிக்கை விடுக்கப்பட்டுள்ளது.

இச்சாதகமற்ற சூழல் காரணமாகச் சவூதி அரேபியா சிவில் பாதுகாப்புத் துறை (Civil Defense) வழங்கும் அவசரகால அலைபேசி எச்சரிக்கை அறிவிப்புகளைப் (Cellular Broadcast) பின்பற்றுமாறு அமெரிக்கப் பிரஜைகளுக்கு அறிவுருத்தப்பட்டுள்ளது.

ரஷ்யாவிடம் டீசல் வாங்க அமெரிக்கா முடிவு: கொதித்தெழும் பிரான்ஸ்

அரச கட்டடங்கள்

அத்தோடு சவூதி அரேபியாவில் பணிபுரியும் அமெரிக்க அரசு ஊழியர்கள் நாட்டிலுள்ள எந்தவொரு விமான நிலையத்தைப் பயன்படுத்துவதற்கும் தூதரகப் பணித் தலைவரிடம் (Chief of Mission) சிறப்பு முன் அனுமதியைப் பெறுவது கட்டாயமாக்கப்பட்டுள்ளது.

விமான நிலையங்கள் மீதான தாக்குதல்கள், வான்வெளி மூடல்கள், விமானங்கள் ரத்து செய்யப்படுதல் மற்றும் பயணத் தடங்கல்கள் குறித்துக் கவனமாக இருக்குமாறும் மற்றும் சவூதி விமான நிலையங்களைப் பயன்படுத்தும்போது அதிதீவிர எச்சரிக்கையுடன் செயல்படுமாறும் தூதரகம் அறிவுறுத்தியுள்ளது.

இதனுடன் சவூதி அரச கட்டடங்கள், விமான நிலையங்கள், ஏவுகணை இடைமறிப்பு காட்சிகள் மற்றும் தாக்குதலுக்கு உள்ளான சேதப் பகுதிகளைப் படம்பிடித்த அமெரிக்கக் குடிமக்கள் பலர் சவூதி பாதுகாப்புப் படையினரால் கைது செய்யப்பட்டுள்ளதாக அமெரிக்கத் தூதரகம் மீண்டும் சுட்டிக்காட்டியுள்ளது.

தாக்குதல்கள் மற்றும் பாதுகாப்பு நடவடிக்கைகள் சார்ந்த தகவல்களைப் பதிவு செய்வதோ அல்லது சமூக வலைதளங்களில் பகிர்வதோ சவூதி சட்டப்படி கடுமையான குற்றமாகும் என்பதால் உள்ளூர் பாதுகாப்பு விதிகளுக்குக் கண்டிப்பாகக் கட்டுப்படுமாறு அமெரிக்கர்களைத் தூதரகம் மேலும் எச்சரித்துள்ளமை குறிப்பிடத்தக்கது.

இலங்கையின் கீர்த்தி பெற்ற காவன்திஸ்ஸ யானை உயிரிழப்பு!

சிராஜ் நகர் 97ஆம் சந்தியில் பேருந்து தரிப்பிடம் இன்றி மக்கள் அவதி!