ஈரானுடனான போர்நிறுத்தம் : அமெரிக்காவின் நிலைப்பாடு வெளியானது

Donald Trump Iran Iran-US Conflict

By Sumithiran Apr 15, 2026 04:01 PM GMT

Sumithiran

in அமெரிக்கா

Report

ஈரான் போர் நிறுத்தத்தை நீடிக்க வோஷிங்டன் இன்னும் "முறையாக ஒப்புக்கொள்ளவில்லை", ஆனால் அமெரிக்காவுக்கும் ஈரானுக்கும் இடையிலான போர் நிறுத்தத்தை நீட்டிப்பதற்கான முயற்சிகள் தொடர்கின்றன என்று ஒரு அமெரிக்க அதிகாரி தெரிவித்துள்ளார்.

"போர் நிறுத்தத்தை நீடிக்க அமெரிக்கா இன்னும் முறையாக ஒப்புக்கொள்ளவில்லை. ஒரு ஒப்பந்தத்தை எட்டுவதற்காக அமெரிக்காவுக்கும் ஈரானுக்கும் இடையே தொடர்ந்து பேச்சுவார்த்தைகள் நடைபெற்று வருகின்றன," என்று அந்த அதிகாரி சர்வதேச ஊடகமொன்றிடம் தெரிவித்தார்.

போர் நிறுத்தத்தை நீடிப்பது குறித்து பரிசீலிக்கவில்லை

இதேவேளை ஈரானுடனான தற்போதைய போர் நிறுத்தத்தை நீடிப்பது குறித்து தாம் பரிசீலிக்கவில்லை என அமெரிக்க ஜனாதிபதி டொனால்ட் ட்ரம்ப் கூறியதாக ஏபிசி நியூஸ் செய்தியாளர் ஜொனாதன் கார்ல் செவ்வாயன்று தெரிவித்தார்.

ஈரானுடனான போர்நிறுத்தம் : அமெரிக்காவின் நிலைப்பாடு வெளியானது | Us Yet To Formally Agree Iran Ceasefire Extension

இந்த நீடிப்பு அவசியமாக இருக்காது என ட்ரம்ப் கருதுவதாக, சமூக ஊடக நிறுவனமான X- தளத்தில் கார்ல் பதிவிட்டுள்ளார்.

"வரவிருக்கும் இரண்டு நாட்கள் மிகவும் அற்புதமானதாக இருக்கும் என நான் நினைக்கிறேன்," என்று ட்ரம்ப் கூறினார். "உண்மையாகவே நான் நம்புகிறேன்."

தீவிரவாதிகளை ஒழித்துவிட்டோம் அவர்கள் போய்விட்டார்கள்

கார்லின் கூற்றுப்படி, பேச்சுவார்த்தை மூலம் தீர்வு காண்பதன் மூலமாகவோ அல்லது ஈரானின் திறன்களை அழிக்கும் இராணுவ நடவடிக்கை மூலமாகவோ இந்த மோதல் முடிவுக்கு வரக்கூடும் என்று ட்ரம்ப் சுட்டிக்காட்டினார்.

"இது எப்படி வேண்டுமானாலும் முடியலாம், ஆனால் ஒரு ஒப்பந்தம் ஏற்படுவதே சிறந்தது என்று நான் நினைக்கிறேன், ஏனென்றால் அப்போது அவர்களால் தங்களை மீண்டும் கட்டியெழுப்ப முடியும். இப்போது அவர்களிடம் உண்மையிலேயே ஒரு வேறுபட்ட ஆட்சிமுறை உள்ளது. எது எப்படியிருந்தாலும், நாம் தீவிரவாதிகளை ஒழித்துவிட்டோம். அவர்கள் போய்விட்டார்கள், இனி நம்முடன் இல்லை," என்று ட்ரம்ப் கூறியதாக மேற்கோள் காட்டப்பட்டது.

உலக அரங்கில் தனது பங்கு குறித்து ட்ரம்ப் "இந்த அசாதாரணமான கூற்றை" முன்வைத்தார் என கார்ல் கூறினார். "நான் ஜனாதிபதியாக இல்லாவிட்டால், உலகம் துண்டு துண்டாக சிதைந்திருக்கும்," என்று அவர் கூறியதாக கார்ல் மேற்கோள் காட்டினார்.