வெடுக்குநாறி விவகாரத்தில் கைதானவர்களை விடுவிக்க கோரி திருகோணமலையில் போராட்டம்

Trincomalee

By Shalini Balachandran Mar 17, 2024 02:30 PM GMT

Shalini Balachandran

in சமூகம்

Report

வெடுக்குநாறி மலையில் இடம்பெற்ற சம்பவத்தின் போது கைது செய்யப்பட்டவர்களை விடுதலை செய்யக்கோரியும் அதனை கண்டித்தும் திருகோணமலை சிவன்கோயிலடிக்கு முன்னால் கவனயீர்ப்பு போராட்டமொன்று சமூக செயற்பாட்டாளர்களால் முன்னெடுக்கப்பட்டுள்ளது.

குறித்த ஆர்ப்பாட்டமானது இன்று(17) மாலை இடம்பெற்றுள்ளது.

அதாவது வெடுக்குநாறிமலை ஆதிலிங்கேஸ்வரர் ஆலயத்தில் கடந்த சிவராத்திரி தினத்தன்று வழிபாட்டில் ஈடுபட்டிருந்த போது ஆலய பூசகர் உள்ளிட்ட எட்டு பேர் காவல்துறையினரால் கைது செய்யப்பட்டனர்.

விடுதலை

இந்த சம்பவத்தில் கைது செய்யப்பட்டவர்களின் விடுதலையை வலியுறுத்தி வடக்கு மற்றும் கிழக்கில் போராட்டங்கள் முன்னெடுக்கப்பட்டு வந்த வண்ணம் உள்ளன.

வெடுக்குநாறி விவகாரத்தில் கைதானவர்களை விடுவிக்க கோரி திருகோணமலையில் போராட்டம் | Vedukkunari Temple Issues Protest In Trincomalee

மேலும் நேற்றைய தினம் (16) வவுனியாவிலும் போராட்டமொன்று முன்னெடுக்கப்பட்டிருந்தது.

இந்நிலையில் இன்றைய தினம்(17) திருகோணமலையிலும் போராட்டமொன்று இடம்பெற்றிருந்தது.

காவல்துறை

குறித்த போராட்டத்தில் கலந்துகொண்ட மக்களால் பல பதாதைகள் ஏந்தப்பட்டிருந்தது.

அந்த பதாதைகளில் கைது செய்யப்பட்ட எட்டு பேரையும் விடுதலை செய்யுங்கள், வழிபாடு எமது அடிப்படை உரிமை, ஆதி சிவன் ஆலயம் எமது பூர்வீகம், ஈழத்தின் சமயத் தலைவர்களை அபகரிக்காதே, தொல்பொருள் எனும் போர்வையில் பௌத்தத்தை விதைக்காதே, வழிபாட்டை தடுக்கும் உரிமையை காவல் துறையினருக்கு கொடுத்தது யார், ஆலய நிர்வாகிகளை உடனடியாக விடுதலை செய் மற்றும் ஆலயங்கள் சைவத் தமிழர்களின் பூர்வீக அடையாளம் போன்ற வாசகங்கள் இடம்பெற்றிருந்தன.

மேலும் குறித்த போராட்டத்தில் நூற்றுக்கும் அதிகமானவர்கள் கலந்து கொண்டமை குறிப்பிடத்தக்கது.