வெளியான புதிய அறிவிப்பு : உயிர்த்த ஞாயிறு தாக்குதல் தொடர்பான தீர்ப்பு

புதிய இணைப்பு

உயிர்த்த ஞாயிறு தாக்குதல்கள் தொடர்பான வழக்கில் தீர்ப்பு வாசிக்கும் நடவடிக்கை இன்று (22) மதிய உணவிற்கு பின்னர் மீண்டும் தொடங்கியுள்ளது.

மேல் நீதிமன்ற நீதிபதி நவரத்ன மாரசிங்க, சுஜீவ நிஸ்ஸங்க மற்றும் இராமநாதன் கண்ணன் ஆகிய மூன்று நீதிபதிகள் கொண்ட கொழும்பு மேல் நீதிமன்றத்தின் சிறப்பு நீதிபதிகளின் முன்னிலையில் நடைபெற்று வருகின்றது.

இந்த தீர்ப்பின் தமிழ் மொழிபெயர்ப்பும் உயர் நீதிமன்ற மொழிபெயர்ப்பாளரால் நீதிமன்றத்தில் வாசிக்கப்பட்டு வருகின்றது.

சஹ்ரான் ஹாஷிம் உட்பட எட்டு தற்கொலைத்தாக்குதல் நடத்தியவர்களுக்கு உதவிய மற்றும் உடந்தையாக இருந்த குற்றச்சாட்டில் நௌஃபர் மௌலவி உள்ளிட்ட 24 பிரதிவாதிகள் மீது 23,270 குற்றச்சாட்டுகள் பதிவு செய்யப்பட்டுள்ளதாக நீதிமன்றத்தில் தெரிவிக்கப்பட்டுள்ளது.

இவை மிக பெரிய வழக்கு என்பதால், அதை வார்த்தைகளில் விவரிப்பது கடினம் என்றும், 23,370 குற்றச்சாட்டுகளும் 9 தொகுதி குற்றப்பத்திரிகைகளும் தாக்கல் செய்யப்பட்டுள்ளதாக மன்றில் அறிவிக்கப்பட்டுள்ளது.

அதன்படி, திறந்த நீதிமன்றத்தில் ஒரே நேரத்தில் சிங்களம், தமிழ் மற்றும் ஆங்கிலம் ஆகிய மூன்று மொழிகளிலும் குற்றப்பத்திரிகைகள் விளக்கப்பட்டுள்ளதாக நீதிபதி குறிப்பிட்டுள்ளார்.

முதலாம் இணைப்பு

உயிர்த்த ஞாயிறு தாக்குதல் சம்பவம் தொடர்பான வழக்கின் தீர்ப்பு பிற்பகல் வரை ஒத்தி வைக்கப்பட்டுள்ளது.

இன்று காலை கொழும்பு மேல் நீதிமன்றத்தின் மூவர் அடங்கிய நிரந்தர தீர்ப்பாயம் முன்பாக உயிர்த்த ஞாயிறு தாக்குதல் சம்பவம் தொடர்பான வழக்கின் தீர்ப்பு வழங்கப்படுவதாக அறிவிக்கப்பட்டிருந்தது.

அதனடிப்படையில் வழக்கில் குற்றம் சாட்டப்பட்டுள்ள நௌபர் மௌலவி உள்ளிட்ட 24 சந்தேக நபர்களும் பலத்த பாதுகாப்புடன் நீதிமன்றத்திற்கு அழைத்து வரப்பட்டனர்.

கனடாவில் இருந்து யாழ். வந்த வயோதிப பெண் படுகொலை - மகன் கைது

அனுமதி வழங்கப்படவில்லை

இந்நிலையில் நண்பகல் அளவில் வழக்கின் நடவடிக்கைகள் ஆரம்பமானது. அதன்போது ஊடகவியலாளர்களுக்கு நீதிமன்றத்திற்குள் பிரவேசிக்க அனுமதி மறுக்கப்பட்டது.

முன்னதாக நீதிமன்ற பதிவாளருக்கு அறிவித்து அனுமதி பெற்றிருந்த ஊடகவியலாளர்களுக்கும் உள்ளே செல்ல அனுமதி வழங்கப்படவில்லை.

அதன் பின்னர் உயிர்த்த ஞாயிறு தாக்குதல் சம்பவம் தொடர்பான வழக்கின் தீர்ப்பு இன்று பிற்பகல் வழங்கப்படும் என்று அறிவிக்கப்பட்டுள்ளது.

மேலும் பகல் போசன இடைவேளையின் பின்னர் மேல்நீதிமன்ற நிரந்தர தீர்ப்பாயம் நண்பகல் 1.45 மணியளவில் மீண்டும் தங்கள் செயற்பாடுகளைத் தொடங்கவுள்ளதாக அறிவித்து நீதிமன்ற நடவடிக்கைகளை ஒத்தி வைத்துள்ளனர்.  

மரண தண்டனை விதிக்கப்பட்டுள்ள அனோஜன் : இலங்கை அரசின் அடுத்த கட்ட நகர்வு

அனோஜனுக்கு பொது மன்னிப்பு வழங்குக : இலங்கையிலிருந்து கூட்டுக் கோரிக்கை!