யாழில் தொடரும் வன்முறை கும்பலின் அட்டூழியம் : கடற்றொழிலாளர் மீது கொடூர தாக்குதல்

Sri Lanka Police Jaffna Sri Lanka

By Raghav Jun 13, 2025 02:04 PM GMT

Raghav

in குற்றம்

Report

யாழ். (Jaffna) வடமராட்சி பகுதியில் கடற்றொழிலாளர்களுக்கு இடையில் மோதல் சம்பவம் ஒன்று இடம்பெற்றுள்ளது.

குறித்த சம்பவம் இன்றைய தினம் (13.06.2025) யாழ். வடமராட்சி கிழக்கு செம்பியன்பற்று பகுதியில் நடைபெற்றுள்ளது.

இது தொடர்பில் மேலும் தெரியவருவதாவது, வடமராட்சி கிழக்கு செம்பியன்பற்று பகுதியில் உழவு இயந்திரம் பாவித்து கரைவலை தொழில் செய்வதற்கு தடை விதிக்கப்பட்டள்ளது.

கடற்றொழிலாளர் மீது தாக்குதல்

இதனை மீறி அங்கு சிலர் உழவு இயந்திரத்தை பயன்படுத்தி கரைவலை தொழில் செய்து வந்தனர்.

யாழில் தொடரும் வன்முறை கும்பலின் அட்டூழியம் : கடற்றொழிலாளர் மீது கொடூர தாக்குதல் | Violence Among Students In Jaffna

இந்நிலையில், இன்று நண்பகல் 12 மணியளவில் செம்பியன்பற்று சென் பிலிப் நேரியார் கடற்றொழிலாளர் சங்க உறுப்பினர்கள் என தம்மை அடையாளப்படுத்திக்கொண்டு மதுபோதையில் தடிகளுடன் கரைவலை வாடிகளுக்குச் சென்ற கும்பலொன்று அங்கிருந்த கடற்றொழிலாளர் மீது தாக்குதல் நடத்தியுள்ளனர்.

இந்த தாக்குதல் சம்பவத்தில் காயமடைந்த கடற்றொழிலாளர் ஒருவர் மருதங்கேணி வைத்தியசாலையில் அனுமதிக்கப்பட்டு, பின்பு பருத்தித்துறை ஆதார வைத்தியசாலைக்கு மாற்றப்பட்டுள்ளார்.

இந்த வன்முறைச் சம்பவம் தொடர்பாக மருதங்கேணி காவல்துறையினர் மேலதிக விசாரணைகளை மேற்கொண்டு வருகின்றமை குறிப்பிடத்தக்கது.