பல எம்.பி.க்களுக்கு சபாநாயகரிடம் இருந்து பறந்த எச்சரிக்கை கடிதங்கள்

Parliament of Sri Lanka Sri Lanka Law and Order Jagath Wickramaratne

By Dharu Aug 01, 2025 05:17 AM GMT

Dharu

in அரசியல்

Report

இலஞ்சம் அல்லது ஊழல் குற்றச்சாட்டுகளை விசாரிக்கும் ஆணையத்தின் அறிவிப்பைத் தொடர்ந்து, சபாநாயகர் ஜகத் விக்ரமரத்ன 25 நாடாளுமன்ற உறுப்பினர்களுக்கும் 100 முன்னாள் நாடாளுமன்ற உறுப்பினர்களுக்கும் எச்சரிக்கை கடிதங்களை அனுப்பியுள்ளார்.

குறிப்பிட்ட காலத்திற்குள் சொத்து மற்றும் பொறுப்பு அறிவிப்புகளை சமர்ப்பிக்கத் தவறியதற்காக இலஞ்சம் அல்லது ஊழல் குற்றச்சாட்டுகளை விசாரிக்கும் ஆணையத்தின் அறிவிப்பைத் தொடர்ந்து சபாநாயகர் இத்தகைய எச்சரிக்கை கடிதங்களை அனுப்பியுள்ளார்.

ஒவ்வொரு நாடாளுமன்ற உறுப்பினரும், சொத்துக்கள் மற்றும் பொறுப்புகள் சட்டத்தின்படி, ஒவ்வொரு ஆண்டும் ஜூன் (30) ஆம் திகதிக்குள், மார்ச் (31) ஆம் திகதி நிலவரப்படி வைத்திருக்கும் அனைத்து சொத்துக்களின் விவரங்களையும் சபாநாயகரிடம் சமர்ப்பிக்க வேண்டும்.

இலஞ்ச ஊழல் குற்றச்சாட்டு

இந்நிலையில், குறித்த அறிக்கைகளை சமர்ப்பிக்காத நாடாளுமன்ற உறுப்பினர்கள் மீது இலஞ்ச ஊழல் குற்றச்சாட்டு விசாரணை ஆணைக்குழு விசேட கவனத்தை செலுத்தியுள்ளது.

பல எம்.பி.க்களுக்கு சபாநாயகரிடம் இருந்து பறந்த எச்சரிக்கை கடிதங்கள் | Warning Letters From The Speaker

புதிய ஆணையச் சட்டத்தின்படி, சொத்து மற்றும் பொறுப்பு அறிக்கைகளை சமர்ப்பிக்கத் தவறும் எம்.பி.க்களின் சம்பளத்தில் மூன்றில் ஒரு பங்கை கூடுதல் கட்டணம் வசூலிக்கும் அதிகாரமும் ஆணையத்திற்கு உள்ளது.

ஒவ்வொரு நாடாளுமன்ற உறுப்பினரும் ஒவ்வொரு ஆண்டும் மார்ச் 31 ஆம் திகதிக்கு முன் வைத்திருக்கும் அனைத்து சொத்துக்களின் விவரங்களையும் சபாநாயகரிடம் சமர்ப்பிக்க வேண்டும்.

இதற்கிடையில், முன்னாள் நாடாளுமன்ற உறுப்பினர்கள் மற்றும் முந்தைய நாடாளுமன்றத்தில் பணியாற்றிய நாடாளுமன்ற ஊழியர்களில் பெரும்பாலோர் தங்கள் சொத்து மற்றும் பொறுப்பு அறிவிப்புகளை சம்பந்தப்பட்ட தலைவர்களிடம் சமர்ப்பிக்கவில்லை என கூறப்படுகிறது.