காவல்துறைக்கு பெரும் சவால் : எங்கே மறைந்தார் தேசபந்து தென்னகோன்…!

நீதிமன்ற உத்தரவு மற்றும் பயணத் தடை விதிக்கப்பட்டபோதிலும்,ஐந்து வீடுகளில் சோதனை நடத்திய பிறகும், முன்னாள் காவல்துறை மா அதிபர் (ஐ.ஜி.பி) தேசபந்து தென்னகோனை(Deshabandu Tennakoon) காவல்துறையினர் இன்னும் தேடி வருகின்றனர்.

டிசம்பர் 31, 2023 அன்று மாத்தறை வெலிகமவில் உள்ள பெலேன பகுதியில் உள்ள ஒரு ஹோட்டலுக்கு முன்னால் நடந்த துப்பாக்கிச் சூடு சம்பவம் தொடர்பாக, கொழும்பு குற்றப்பிரிவின் (சி.சி.டி) ஏழு அதிகாரிகளுடன் சேர்ந்து, அவரைக் கைது செய்ய மாத்தறை மாஜிஸ்திரேட் நீதிமன்றம் உத்தரவிட்டது.

காவல்துறையினர் மேற்கொண்ட துப்பாக்கி சூடு

அன்று, ஒரு சந்தேக நபரைக் கைது செய்ய, அந்தப் பகுதி காவல்துறைக்கு தெரிவிக்காமல், ஒரு சி.சி.டி குழு அந்தப் பகுதிக்குச் சென்றது. தவறான அடையாளம் காரணமாக, காவல்துறையினர் சி.சி.டி. மீது துப்பாக்கிச் சூடு நடத்தினர், மேலும் இந்த சம்பவத்தில் காவல்துறை சார்ஜென்ட்களில் ஒருவர் கொல்லப்பட்டார்.

குற்றப் புலனாய்வுத் துறையின் வேண்டுகோளைத் தொடர்ந்து, தென்னகோனுக்கு வெளிநாட்டுப் பயணத் தடை விதிக்கப்பட்டுள்ளது.

அதிகரிக்கும் ஆர்ப்பாட்டங்கள் : இலங்கைக்கு ஐ.எம்.எவ் விடுத்த கடும் எச்சரிக்கை

தேசபந்துவை கைது செய்வதில் ஏற்பட்ட தாமதம்

தேசபந்துவை கைது செய்வதில் ஏற்பட்ட தாமதம் குறித்து கேட்டதற்கு,பொது பாதுகாப்பு அமைச்சர் ஆனந்த விஜேபால,(Ananda Wijepala) "அவரை கைது செய்ய காவல்துறையினர் நடவடிக்கை எடுத்து வருகின்றனர். ஐந்து வீடுகள் சோதனை செய்யப்பட்டன. இந்த விவகாரத்தை பதில் காவல் துறை மா அதிபர் (ஐஜிபி) ஆராய்ந்து வருகிறார்" என்றார்.

கடந்த ஆண்டு அப்போதைய ஜனாதிபதி ரணில் விக்ரமசிங்கவால்(ranil wickremesinghe) இலங்கையின் 36வது காவல் துறை மா அதிபராக தென்னகோன் நியமிக்கப்பட்டார். இந்த நியமனம் அரசியலமைப்பின் பிரிவுகள் 41C (1) மற்றும் 61E (b) இல் கோடிட்டுக் காட்டப்பட்டுள்ள நிபந்தனைகளுக்கு இணங்க செய்யப்பட்டது.

கல்முனை வடக்கு பிரதேச செயலக விவகாரம்: உடனடி தீர்வு கோரும் கஜேந்திரகுமார் எம்.பி

அதற்கு முன்பு, அவர் நவம்பர் 29, 2023 முதல் அந்தப் பதவியில் பதில் காவல்துறை மா அதிபராக பணியாற்றி வந்தார்.

திட்டமிட்ட கைது குறித்து கருத்து கேட்டதற்கு, காவல் துறை ஊடகப் பிரிவு, "நீதிமன்றத்தின் உத்தரவை நிறைவேற்ற காவல்துறை ஆர்வத்துடன் செயல்படுகிறது" என்று தெரிவித்துள்ளது.