சுரேஷ் சாலேவை காப்பாற்ற முன்வருபவர்களை இரக்கமின்றி தாக்கவேண்டும் : விடுக்கப்பட்ட அழைப்பு

 சுரேஷ் சாலே ஒரு கரப்பான் பூச்சிக்கோ அல்லது எலிக்கோ கூட பயப்படும் ஒரு கோழை என்றும், இதுபோன்ற கசாப்புக் காரர்களைப் பாதுகாக்க முன்வருபவர்கள் இரக்கமின்றித் தாக்கப்பட வேண்டும் என்றும் இடது மையத்தின் ஒருங்கிணைப்பாளர் சமீர பெரேரா தெரிவித்தார்.

ஒரு ஊடக மாநாட்டில் உரையாற்றிய அவர், ராஜபக்ச குடும்பத்தைப் பாதுகாக்கக் குற்றங்களைச் செய்த எவரும் இந்த முறை தப்பிக்க முடியாது என்று வலியுறுத்தினார்.

சுரேஷ் சாலேவை ஒரு போர் வீரராக முன்னிறுத்தும் முயற்சியைக் கடுமையாக விமர்சித்த பெரேரா, ராஜபக்ச குடும்பத்தைப் பாதுகாக்கக் கசாப்புக் காரர்களாகப் பணியாற்றியவர்கள் அல்ல, மாறாக நாட்டிற்காகத் தங்கள் கண்கள், சதை மற்றும் இரத்தத்தைத் தியாகம் செய்தவர்களே உண்மையான போர் வீரர்கள் என்று சுட்டிக்காட்டினார்.

ஈஸ்டர் படுகொலை அதிகாரத்தைக் கைப்பற்ற திட்டமிடப்பட்ட சதி

திரிப்போலி பிளாட்டூன் போன்ற கொலைகாரக் கும்பல்களை வழிநடத்தி, பத்திரிகையாளர்களைக் கொல்வதற்கும் எதிரிகளைக் காணாமல் போகச் செய்வதற்கும் பயங்கரவாதிகளுடன் இணைந்து சாலே ஒப்பந்தம் செய்ததாக அவர் குற்றம் சாட்டினார்.

ஈஸ்டர் படுகொலை என்பது அதிகாரத்தைக் கைப்பற்றுவதற்காகத் திட்டமிடப்பட்ட ஒரு சதி என்றும், அது குறித்த விசாரணை தற்போது இறுதிக்கட்டத்தில் உள்ளது என்றும் அவர் கூறினார்.

கோட்டாபய ராஜபக்சவின் அடிமையே சுரேஷ் சாலே : போட்டுத்தாக்கும் பொன்சேகா

 சாலேவிற்கு ஆதரவளிக்க காரணம்

முன்னாள் ஜனாதிபதி கோட்டாபய ராஜபக்ச மீது விதிக்கப்பட்ட பயணத் தடை அத்துடன் நின்றுவிடாது என்றும், இந்த மாபெரும் சதியைத் திட்டமிட்ட அனைவரும் தண்டிக்கப்படுவார்கள் என்றும் அவர் நம்பிக்கை தெரிவித்தார்.

கோட்டாபய ராஜபக்ச மீது பழி சுமத்தப்படுகிறது என்பதை அறிந்ததாலேயே, விமல் வீரவன்ச, சரத் வீரசேகர மற்றும் உதய கம்மன்பில போன்றோர் திடீரென சாலேவுக்கு ஆதரவாக நிற்கிறார்கள் என்று பெரேரா கூறினார்.

கோட்டாபயவுக்கு எதிரான தடை உத்தரவின் பின் சலேவுக்கு வெளிவந்த பிரச்சினைகள்

கோட்டாபயவின் காட்டுமிராண்டித்தனமான படைப்பிரிவு 

கோட்டாபயவின் காட்டுமிராண்டித்தனமான படைப்பிரிவு இப்போது தனது பிடிப்பை இழந்துவிட்டதாகவும், நீதி வழங்கப்படும் செயல்முறையைக் கண்டு அது மிகவும் அஞ்சுவதாகவும் அவர் குறிப்பிட்டார்.

இந்தக் கசாப்புக் காரர்களுக்கும் பயங்கரவாதிகளுக்கும் ஆதரவாக உண்ணாவிரதம் இருப்பதையோ அல்லது வீதிகளில் இறங்குவதையோ விடுத்து, ஈஸ்டர் தாக்குதல்களில் உயிரிழந்த அப்பாவி மக்களைப் பற்றி சிந்திக்க வேண்டும் என்று சாமிர பெரேரா பொதுமக்களை வலியுறுத்தினார்.

பாதிக்கப்பட்டவர்களுக்கு நீதி வழங்குமாறு அரசை வலியுறுத்தும் அதேவேளையில், இந்தக் குற்றவாளிகளுக்கு எதிராக தேவைப்பட்டால் வீதிகளில் இறங்கிப் போராடவும் தயாராக இருக்க வேண்டும் என்றும் அவர் மேலும் கூறினார். 

சுரேஷ் சாலேக்கு ஏற்பட்ட நிலையே எதிர்க்கட்சிகளுக்கும் ஏற்படபோகிறது : பதறும் ஐ.தே.க