கணவரின் பிரிவை தாங்கமுடியாமல் தாயும் மூன்று பிள்ளைகளும் எடுத்த விபரீத முடிவு
கணவரின் இழப்பை தாங்கிக்கொள்ள முடியாத 35 வயதுடைய தாய் ஒருவர் நேற்று முன்தினம் (30) தனது மூன்று பிள்ளைகளுடன் விஷம் அருந்தி தற்கொலை செய்து கொண்ட சோகமான செய்தி ஒன்று மாலம்பே கஹந்தோட்டை பிரதேசத்தில் இருந்து பதிவாகியுள்ளது.
உயிரிழந்த குழந்தைகளில் இரண்டு ஆண்களும் ஒரு பெண் குழந்தையும் அடங்குவதாகவும் அவர்களின் வயது 9, 7 மற்றும் 6 வயதுடையவர்கள் எனவும் மாலம்பே காவல்துறையினர் தெரிவித்தனர்.
கணவர் விஷம் குடித்து தற்கொலை
உதாரி நிசன்சலா என்ற தாயார் தனது கணவர் மற்றும் மூன்று பிள்ளைகளுடன் ஹோமாகம பிரதேசத்தில் வசித்து வந்துள்ளார். இவ்வாறு வாழ்ந்து வந்த நிலையில் கடந்த சில நாட்களுக்கு முன் கணவர் விஷம் குடித்து தற்கொலை செய்து கொண்டார்.
இறந்தவரின் இறுதிக் கிரியைகளின் பின்னர், இந்த தாயும் அவரது மூன்று குழந்தைகளும் கஹந்தோட்டை மாலம்பேயில் உள்ள தனது இளைய சகோதரரின் வீட்டிற்கு திரும்பியுள்ளனர்.
நெவில் பெர்னாண்டோ மருத்துவமனைக்கு
சம்பவத்தன்று இரவு, தம்பியின் வீட்டின் அறையில் தாயும், மூன்று குழந்தைகளும் அழுது கொண்டிருந்தனர். அப்படி அழுது கொண்டிருந்த போது அறையில் இருந்து சத்தம் கேட்டு, தம்பி குடும்பத்துடன் சேர்ந்து பூட்டிய அறையின் கதவை உடைத்து உள்ளே சென்றார். மூன்று குழந்தைகளும் தாயும் இருமுவதைக் கண்ட குடும்பத்தினர் அவர்களை வாகனத்தில் ஏற்றி மாலம்பே நெவில் பெர்னாண்டோ மருத்துவமனைக்கு அழைத்துச் சென்றனர்.
வைத்தியசாலையில் அனுமதிக்கப்பட்ட பின்னர் தாய் மற்றும் மூன்று பிள்ளைகள் உயிரிழந்துள்ளதாக காவல்துறையினர் தெரிவித்தனர்.
உயிரிழந்த தாய் மற்றும் மூன்று பிள்ளைகளின் முதற்கட்ட நீதவான் பரிசோதனை மற்றும் பிரேத பரிசோதனை நேற்று (31ம் திகதி) நடைபெறவிருந்தது.
அவர்கள் வெளிநாடு செல்ல ஆசைப்பட்டு வந்ததும் தெரியவந்துள்ளது. பொருளாதார காரணங்களால் இவர்கள் தற்கொலை செய்து கொண்டிருக்கலாம் என காவல்துறையினர் சந்தேகிக்கின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
இளவாலை, Brisbane, Australia, Harrow, United Kingdom
06 Sep, 2025
தெல்லிப்பழை, கொழும்பு, London, United Kingdom
13 Sep, 2022
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
மலேசியா, Malaysia, யாழ்ப்பாணம், Markham, Canada, Brampton, Canada
06 Sep, 2025
