அனுமதியின்றிய “சினோபார்ம்” வேண்டாம்! இலங்கை மருத்துவ சபை விடாப்பிடி
தேசிய ஔடதங்கள் கட்டுப்பாட்டு அதிகார சபையின் அனுமதியின்றி நாட்டில் சினோபார்ம் தடுப்பூசி வழங்கப்படக்கூடாது என இலங்கை மருத்துவ சபை சுகாதார அமைச்சரிடம் கோரிக்கை விடுத்துள்ளது.
இலங்கை மருத்துவ சபை சுகாதார அமைச்சருக்கு அனுப்பியுள்ள கடிதத்திலேயே இந்த விடயம் தெரிவிக்கப்பட்டுள்ளது. குறித்த கடித்தில் மேலும் தெரிவிக்கப்பட்டுள்ளதாவது,
சினோபார்ம் தடுப்பூசியின் பாதுகாப்பு, செயற்றிறன் மற்றும் நோயெதிர்ப்புத் திறன் குறித்து தீர்மானிக்க போதுமான தரவு தேவைப்படுகிறது.
தடுப்பூசிகள் தொடர்பான அனைத்து விடயங்களையும் மீளாய்வு செய்ததன் பின்னரே நாட்டில் மக்கள் பாவனைக்கு வழங்கப்பட வேண்டும்.
நாட்டில் பொது மக்களுக்கு சினோபார்ம் தடுப்பூசி வழங்குவதற்கு முன்னர் உலக சுகாதார ஸ்தாபனத்தின் அனுமதியும் பெறப்பட வேண்டும்.
உலக சுகாதார ஸ்தாபனத்தின் ஆலோசனைக்கமைய, தேசிய ஔடதங்கள் கட்டுப்பாட்டு அதிகார சபையின் அனுமதியுடன் மாத்திரமே நாட்டில் சினோபார்ம் தடுப்பூசி மக்கள் பயன்பாட்டிற்கு வழங்கப்பட வேண்டும் -
எனக் குறிப்பிடப்பட்டுள்ளது.
இலங்கை மருத்துவ சபையின் தலைவர் வைத்தியர் பத்மா குணரட்ன கையெழுத்திட்டுள்ள குறித்த கடிதம், சுகாதார அமைச்சர் பவித்ரா வன்னியாராச்சி, இராஜாங்க அமைச்சர்களான சன்ன ஜயசுமன, சுதர்ஷனி பெர்ணான்டோ புள்ளே மற்றும் சுகாதார சேவைகள் பணிப்பாளர் நாயகம் அசேல குணவர்தன ஆகியோருக்கும் அனுப்பி வைக்கப்பட்டுள்ளமை குறிப்பிடத்தக்கது.
புங்குடுதீவு 3ம் வட்டாரம், Herzogenbuchsee, Switzerland, Toronto, Canada, கரவெட்டி
05 Oct, 2022
