வயோதிபப் பெண் அடித்துக் கொலை: சந்தேக நபரான மருமகன் தப்பியோட்டம்
அளுத்வல - கோனபினுவல பகுதியில் உள்ள வீடு ஒன்றில் வயோதிபப் பெண் ஒருவர் அடித்துக் கொலை செய்யப்பட்டுள்ளதாக காவல்துறையினர் தெரிவித்துள்ளனர்.
குறித்த வீட்டில் வசித்து வந்த 76 வயதுடைய பெண் ஒருவரே இவ்வாறு படுகொலை செய்யப்பட்டுள்ளார்.
சம்பவம் தொடர்பில் மேலும் தெரியவருகையில், கொலை செய்யப்பட்ட பெண் திருமணமாகாதவர் எனவும் அவர் பல வருடங்களாக தனது சகோதரனின் மகனுடன் வீட்டில் வசித்து வருவதாகவும் தெரிவிக்கப்படுகின்றது.
தடியால் தாக்கி கொலை
இந்நிலையில், பொசன் போயா தினத்தன்று சில் எடுத்து விட்டு வீடு திரும்பிய பெண் தடியால் அடித்து கொல்லப்பட்டது காவல்துறையினரின் விசாரணையில் தெரியவந்துள்ளது.
இதன்போது, பெண் கொல்லப்பட்ட இடத்தில் அவரை தாக்குவதற்கு பயன்பட்ட தடி ஒன்றும் காவல்துறை அதிகாரிகளுக்கு கிடைத்துள்ளது.
இந்த கொலை சம்பவமானது கடந்த இரண்டு நாட்களுக்குள் இடம்பெற்றிருக்கலாம் என காவல்துறையினர் சந்தேகம் வெளியிட்டுள்ளனர்.
சந்தேக நபர் தப்பியோட்டம்
இந்த கொலையுடன் தொடர்புடையதாக சந்தேகிக்கப்படும் மருமகன் பிரதேசத்தை விட்டு தப்பிச் சென்றுள்ளதாக தெரிவிக்கப்படுகின்றது.
இந்த நிலையில், சந்தேக நபரை கைது செய்வதற்கான மேலதிக விசாரணைகளை கோனபினுவல காவல்துறையினர் மேற்கொண்டு வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
