வெளிநாடுகளில் இருந்து வந்த பெண்கள் கட்டுநாயக்காவில் கைது
வெளிநாட்டிலிருந்து கட்டுநாயக்க விமான நிலையத்தில் வந்திறங்கிய இரண்டு பெண்கள் காவல்துறை போதைப்பொருள் ஒழிப்பு பிரிவினரால் கைது செய்யப்பட்டுள்ளனர்.
இந்தியா மற்றும் இலங்கையைச் சேர்ந்த இரண்டு பெண்களே நேற்றையதினம் (15) கைது செய்யப்பட்டவர்களாவர்.
கோடிக்கணக்கான தங்க நகைகள் மீட்பு
இவர்களிடமிருந்து மூன்று கோடியே எழுபத்தி இரண்டு இலட்சத்து எழுபத்து ஐயாயிரத்து தொள்ளாயிரத்து எண்பத்தைந்து ரூபாய் பெறுமதியான நகைகள் சட்டவிரோதமாக கொண்டு வரப்பட்ட நிலையில் கைப்பற்றப்பட்டுள்ளன.
கைது செய்யப்பட்ட ஒரு பெண் 26 வயதான இந்திய பிரஜை என்றும் அப்பெண் வர்த்தகர் என்றும் தெரியவந்துள்ளது. துபாயில் இருந்து வெள்ளிக்கிழமை (15) காலை 08.45 மணிக்கு டுபாயில் இருந்து வருகைதந்த விமானத்தில் கட்டுநாயக்க விமான நிலையத்தை வந்தடைந்துள்ளார்.
அவர் கொண்டு வந்த பெரிய அளவிலான பொதிகளில் 01 கிலோ 748 கிராம் மதிப்புள்ள தங்க ஆபரணங்கள் கைப்பற்றப்பட்டன. மற்றைய பெண் 34 வயதான கொழும்பு ஜம்பட்டா தெருவில் வசிக்கும் இலங்கையர் என்றும் அவரும் வர்த்தக நடவடிக்கைகளில் ஈடுபட்டு வருவதாக தெரிவிக்கப்படுகிறது.
வெள்ளிக்கிழமை (15) காலை 05.50 மணியளவில் சென்னையில் இருந்து வந்த விமானத்தில் கட்டுநாயக்க விமான நிலையத்தை இவர் வந்தடைந்தார். சுமார் ஒரு கோடி ரூபாய் மதிப்புள்ள 516 கிராம் 907 மில்லிகிராம் எடையுள்ள நகைகளை மார்புப் பகுதியில் மறைத்து வைத்திருந்தார்.
விமான நிலையத்திலிருந்து வெளியேறும் போது
கட்டுநாயக்க விமான நிலையத்தில் சுங்கம் உள்ளிட்ட சகல விசாரணைகளையும் முடித்துக் கொண்டு விமான நிலையத்திலிருந்து வெளியேறும் போதே இந்த இரு பெண்களும் காவல்துறை போதைப்பொருள் ஒழிப்பு பிரிவின் அதிகாரிகளால் கைது செய்யப்பட்டனர்.
இந்த இரண்டு பெண்களும் சட்டவிரோதமாக இலங்கைக்கு கொண்டு வந்த நகைகளும் மேலதிக விசாரணைகளுக்காக காவல்துறை போதைப்பொருள் ஒழிப்பு திணைக்கள அதிகாரிகளினால் கட்டுநாயக்க விமான நிலைய சுங்க அதிகாரிகளிடம் ஒப்படைக்கப்பட்டுள்ளனர்.
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
