அமெரிக்காவும் பிரிட்டனும் அதிக விலை கொடுக்கும் : எச்சரிக்கை விடுத்துள்ள யெமன்

United States of America United Kingdom Yemen World

By Beulah Jan 13, 2024 03:02 AM GMT

Beulah

in உலகம்

Report

யெமன் தாக்குதல்களுக்கு அமெரிக்காவும் பிரிட்டனும் அதிக விலை கொடுக்கும் என்று ஹவுதி அமைப்பின் துணை வெளியுறவு அமைச்சர் ஹுசைன் அல்-எஸி தெரிவித்துள்ளார்.

யெமன் நாட்டின் சதா, அல்ஹுதைதா, சத்தா, தாமர் ஆகிய நகரங்களில் ஹவுதி கிளர்ச்சியாளர்களை குறிவைத்து போர் விமானங்கள் மூலம் தாக்குதல் நடத்தப்பட்டமைக்கு எதிர்ப்பு தெரிவிக்கும் முகமாகவே அவர் மேற்கண்டவாறு குறிப்பிட்டுள்ளார்.

இவ்விடயம் தொடர்பாக மேலும் அவர் குறிப்பிடுகையில்,

மிகப்பெரும் ஆக்கிரமிப்புத் தாக்குதல்

“அமெரிக்கா, பிரித்தானிய கப்பல்கள், நீர்மூழ்கிக் கப்பல்கள் மற்றும் போர் விமானங்களால் நடத்தப்பட்ட மிகப்பெரும் ஆக்கிரமிப்புத் தாக்குதலுக்கு நம் நாடு உட்பட்டுள்ளது.

அமெரிக்காவும் பிரிட்டனும் அதிக விலை கொடுக்கும் : எச்சரிக்கை விடுத்துள்ள யெமன் | Yemen Warns America Britain

சந்தேகத்திற்கு இடமின்றி, அமெரிக்காவும் பிரித்தானியாவும் அதிக விலை கொடுக்கத் தயாராக வேண்டும்." என்றார்.

இஸ்ரேல்-ஹமாஸ்

இஸ்ரேல்-ஹமாஸ் இயக்கத்தினர் இடையே போர் நடைபெற்று வருகிறது. இந்த போரில் ஹமாஸ் ஆயுதக்குழுவுக்கு ஏமனில் செயல்பட்டு வரும் ஹவுதி கிளர்ச்சியாளர்கள் ஆதரவு தெரிவித்துள்ளனர்.

அதன் எதிரொலியாக செங்கடலில் பயணிக்கும் இஸ்ரேல் ஆதரவு நாடுகளில் இருந்து வரும் சரக்கு கப்பல்கள் மீது ஹவுதி கிளர்ச்சியாளர்கள் தொடர் தாக்குதலில் ஈடுபடுகிறார்கள்.

இதற்கு பதிலடி கொடுக்கும் விதமாக ஏமனில் உள்ள ஹவுதி கிளர்ச்சியாளர்கள் மீது அமெரிக்காவும் பிரிட்டனும் இணைந்து இன்று தாக்குதல் நடத்தி வருகின்றமை குறிப்பிடத்தக்கது.