யாழில் அறுபது இலட்சம் பண மோசடி : யுவதி கைது

யாழ்ப்பாணத்தில் வெளிநாடொன்றுக்கு அனுப்பி வைப்பதாக கூறி 60 இலட்சம் ரூபா பணத்தை ஒருவரிடம் பெற்று மோசடி செய்த குற்றச்சாட்டில் 27 வயதான யுவதி ஒருவர் கைது செய்யப்பட்டுள்ளதாக காவல்துறையினர் தெரிவித்துள்ளனர்.

ஊரெழு பகுதியைச் சேர்ந்த குறித்த பெண் யாழ். நகர் பகுதியை அண்மித்த பகுதியில் வெளிநாடு செல்பவர்களுக்கான தொடர்பகம் ஒன்றை நடத்தி வந்துள்ளார்.

மேற்படி தொடர்பகத்தில் வெளிநாடு செல்ல விரும்புபவர்களுக்கு ஆலோசனைகள் வழங்கல் மற்றும் விசா தொடர்பிலான தெளிவூட்டல்கள் போன்ற சேவைகளை கட்டணம் பெற்று வழங்கி வந்துள்ளார்.

இலங்கைக்கு கடத்தப்பட்ட போலியான சிகரெட்டுகள்! இருவர் கைது

பண மோசடி

இந்நிலையில் அவரை நம்பி யாழ்ப்பாணத்தின் பல பாகங்களைச் சேர்ந்தவர்கள் பணத்தை வழங்கி வந்த நிலையில் அவர்களில் ஒருவர் சுமார் 60 இலட்சம் ரூபா பணத்தை வழங்கியுள்ளார்.

இவ்வாறு பணத்தை வழங்கியவர் தனது வெளிநாட்டு பயண ஏற்பாடுகள் தாமதமாகி வந்தமையால் அப்பெண் மீது சந்தேகம் கொண்டு யாழ்ப்பாண காவல் நிலையத்தில் முறைப்பாடு செய்துள்ளார்.

மேற்படி முறைப்பாட்டின் பிரகாரம் விசாரணைகளை முன்னெடுத்த காவல்துறையினர் அப்பெண்ணை கைது செய்து மேலதிக விசாரணைகளை முன்னெடுத்துள்ளதாக தெரிவித்துள்ளனர்.

வெளிநாட்டு காதலியுடன் மோட்டார் சைக்கிளில் சென்ற காவல்துறை உத்தியோகத்தருக்கு ஏற்பட்ட நிலை.!

பெண் கைது

குறித்த விசாரணையின் போது அப்பெண்ணின் வங்கி கணக்கு இலக்கம் ஊடாக சுமார் நான்கு கோடி ரூபாவுக்கும் அதிகமான பண பரிமாற்றங்கள் இடம்பெற்றுள்ளதனை காவல்துறையினர் கண்டுபிடித்துள்ளனர்.

மேலும் கொழும்பு உள்ளிட்ட இதர பகுதிகளில் வெளிநாட்டுக்கு ஆட்களை அனுப்பி வைக்கும் முகவர்களாக செயற்படும் மோசடியாளர்கள், யாழ்ப்பாணம் உள்ளிட்ட மாவட்டங்களில் தமக்கான முகவர்களாக சிலரை நம்பிக்கைக்காக அமர்த்தி அவர்கள் ஊடாக பெரும் பணமோசடியில் ஈடுபட்டு வருவதாக காவல்துறையினர் சுட்டிக்காட்டியுள்ளனர்.

ஆகவே இவர்கள் தொடர்பில் அனைவரும் விழிப்புடன் இருக்குமாறும் குறித்த சம்பவம் தொடர்பாக மேலதிக விசாரணைகளை மேற்கொண்டு வருவதாகவும் காவல்துறையினர் தெரிவித்துள்ளனர்.

கனடாவில் குத்திக் கொல்லப்பட்ட இலங்கையர்கள்! இறுதி கிரியைகள் தொடர்பில் வெளியான தகவல்