ஆற்றில் நீராட சென்ற இளைஞனுக்கு நேர்ந்த கதி
புளத்சிங்கள ஹல்வத்துர பிரதேசத்தில் ஆற்றில் நீராடச் சென்ற இளைஞர்கள் குழுவில் ஒருவர் நீரில் மூழ்கி உயிரிழந்துள்ளார்.
குறித்த சம்பவமானது இன்று (26) மாலை இடம்பெற்றுள்ளதாக புலத்சிங்கள காவல்துறையினர் தெரிவித்துள்ளனர்.
உயிரிழந்த இளைஞன் மேலும் நான்கு இளைஞர்களுடன் புளத்சிங்கள ஹல்வத்துர 150 ஏக்கர் பிரதேசத்தில் ஆற்றில் நீராடிக் கொண்டிருந்த போது, பெய்து வரும் மழையினால் ஆற்றில் நீர் பெருகி வெள்ளத்தில் அடித்துச் செல்லப்பட்டதாக கூறப்பட்டுள்ளது.
மேலதிக விசாரணை
இந்நிலையில் தேடுதல் நடவடிக்கையின் போது நில்வலா என்ற பகுதியில் குறித்த இளைஞனின் சடலம் மீட்கப்பட்டுள்ளது.
சம்பவத்தில் உயிரிழந்தவர் ஹொரணை, காடன்ஹேன, கபல்லாகொட பகுதியைச் சேர்ந்த 22 வயதான கவிஷ்க ஜும்னா என்பவர் ஆவார்.
மேலும் சடலம் பிரேத பரிசோதனைக்காக இங்கிரிய ஆதார வைத்தியசாலைக்கு அனுப்பி வைக்கப்பட்டுள்ளதாக காவல்துறையினர் கூறியுள்ளனர்.
சம்பவம் தொடர்பில் புளத்சிங்கள காவல்துறையினர் மேலதிக விசாரணைகளை மேற்கொண்டு வருகின்றனர்.
