செனட் விசாரணையில் மன்னிப்பு கேட்ட மார்க் சக்கர்பெர்க்
Kathirpriya
in தொழில்நுட்பம்
மெட்டா நிறுவனத்தின் நிறுவுனரான, மார்க் சக்கர்பெர்க் அமெரிக்க செனட் சபை நடத்திய விசாரணைகளின் போது அனைவர் மத்தியிலும் எழுந்து நின்று மன்னிப்பு கேட்டதாக தெரிவிக்கப்பட்டுள்ளது.
நேற்று (31) அமெரிக்க செனட் சபையில் சமூக வலைதளங்களில் வெளியாகும் உள்ளடக்கங்களால் குழந்தைகளுக்கு ஏற்படும் தாக்கம் மற்றும் குழந்தைகள் மீதான தாக்குதல் சம்பந்தமாக நடந்த விசாரணைகளின் போதே அவர் இவ்வாறு மன்னிப்பு கேட்டிருந்தார்.
சமூகத்தில் ஏற்படும் பாதிப்புகள் குறித்து, சமூக வலைத்தள நிறுவனங்கள் மீது பலர் தெரிவித்த குற்றச்சாட்டுகளின் அடிப்படையிலேயே அமெரிக்க செனட் விசாரணைகளை நடத்தியது.
உயிரிழப்பு சம்பவங்கள்
இதன் போது, விசாரணை தொடங்கியதும் ஊடகங்களில் குழந்தைகள் மீதான தாக்குதல் குறித்த காணொளியினை விசாரணைக்குழு ஒளிபரப்பியது.
இதில் பல உயிரிழப்பு சம்பவங்கள் குறித்தும் நேரடியாக கேள்விகள் கேட்கப்பட்டன.
பின்னர், குடியரசு கட்சியின் செனட்டர் ஜோஷ் ஹாவ்லி (Josh Hawley), ஜுக்கர்பெர்கை நோக்கி, "உங்கள் வலைத்தள உள்ளடக்கங்களால் பாதிக்கப்பட்டவர்களிடம் மன்னிப்பு கேட்பீர்களா?" என கேட்டார்.
உள்ளடக்கங்களை கட்டுப்படுத்த
அப்போது, ஜுக்கர்பெர்க் எழுந்து நின்று கொண்டு அக்குடும்பத்தினரை நோக்கி பேசினார், "நீங்கள் அனைவரும் அனுபவித்த கொடுமையான துன்பங்களுக்கு நான் வருந்துகிறேன், உங்கள் குடும்பங்கள் அனுபவித்த துயரங்கள் வேறு எவருக்கும் வர கூடாது, என்னை மன்னியுங்கள்." என்றார்.
தவிரவும், சமூக வலைதளங்களில் வெளியிடப்படும் உள்ளடக்கங்களை கட்டுப்படுத்த நிறுவனங்கள் பொறுப்பேற்கும் வகையில் ஒரு சட்டம் வரையறுக்கப்பட வேண்டும் என நீண்ட நாட்களாக அமெரிக்க அரசு முயன்று வருவதாகவும் செனேட்டர் கூறியிருந்தார்.
மேலும், இது தொடர்பான, விசாணைகளுக்காக மெட்டா நிறுவனம் மாத்திரமன்றி டிக்டாக், ஸ்னாப், எக்ஸ் மற்றும் டிஸ்கார்ட் போன்ற ஏனைய நிறுவனங்களின் தலைமை பொறுப்பில் உள்ளவர்களும் இந்த விசாரணைகளில் பங்கேற்றிருந்தனர்.
அவர்கள் செனட்டின் ஜனநாயக மற்றும் குடியரசு கட்சி உறுப்பினர்களால் சுமார் 4 மணி நேரங்களுக்கும் மேலாக விசாரிக்கப்பட்டனர் என்பது குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 3ம் வட்டாரம், கொழும்பு, பரிஸ், France, கனடா, Canada
26 Nov, 2017
அனலைதீவு 2ம் வட்டாரம், யாழ்ப்பாணம், Kamen, Germany, Stouffville, Canada
24 Nov, 2024
புங்குடுதீவு 2ம் வட்டாரம், வட்டக்கச்சி இராமநாதபுரம், Woodbridge, Canada
22 Nov, 2025
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
