தரப்பரிசோதனையில் அதிக எண்ணிக்கையான மருந்துகள் தோல்வி!
அதிக எண்ணிக்கையான மருந்துகள் தரப்பரிசோதனையில் தோல்வியடைந்த ஆண்டாக 2023 பதிவு செய்யப்பட்டுள்ளதாக சுகாதார அமைச்சின் மருந்து விநியோகப் பிரிவு தெரிவித்துள்ளது.
அதன்படி கடந்த ஆண்டு (2023) மொத்தமாக சுமார் 124 மருந்துகள் தரப் பரிசோதனையில் தோல்வியடைந்துள்ளன.
இது தொடர்பாக சுகாதார அமைச்சின் மருந்து விநியோகப் பிரிவு மேலும் தெரிவித்ததாவது,
இந்தியாவில் தயாரிக்கப்பட்டவை
"தரப் பரிசோதனையில் தோல்வியடைந்த மருந்துகளில், 55 மருந்துகள் இந்தியாவில் தயாரிக்கப்பட்டவை, 40 மருந்துகள் உள்நாட்டில் தயாரிக்கப்பட்டுள்ளன, மற்றவை சீனா, பாகிஸ்தான், ஜப்பான் மற்றும் பங்களாதேஷ் போன்ற நாடுகளில் இருந்து வந்துள்ளன.
தரப் பரிசோதனையில் தோல்வியடைந்ததாகக் கண்டறியப்பட்ட மருந்துகளில், சில திரும்பப் பெறப்பட்டுள்ளதுடன் கொள்வனவு செய்யப்படுவதும் நிறுத்தப்பட்டுள்ளது.
தவிரவும், மொத்தம் 35 Flucloxacillin Cap மருந்துகள் திரும்பப் பெறப்பட்டுள்ளது, இந்த மருந்து இரத்மலானையில் உள்ள அரச மருந்து உற்பத்தி கூட்டுத்தாபனத்தினால் உற்பத்தி செய்யப்பட்டுள்ளது, அதுமாத்திரமன்றி இது 2017 ஆம் ஆண்டிலிருந்து இதுவரையில் அதிகபட்ச எண்ணிக்கையைப் பதிவு செய்துள்ளது."எனத் தெரிவிக்கப்பட்டுள்ளது.
அதிகளவான இறப்புகள்
மேலும், சுகாதார அமைச்சின் கூற்றுப்படி, 2017 ஆம் ஆண்டிலிருந்து இதுவரை மொத்தம் 600 மருந்துகள் தரக் குறைவான மருந்துகளாக கண்டறியப்பட்டுள்ளது.
அதில் 2019 ஆம் ஆண்டில் 96 மருந்துகளும், 2022 ஆம் ஆண்டில் 86 மருந்துகளும் தரப் பரிசோதனையில் தோல்வியடைந்துள்ளன.
மேலும், இந்த ஆண்டு தரக்குறைவான மருந்துகளைப் பயன்படுத்திய பிரச்சினையால் அதிகளவான இறப்புகள் பதிவாகியமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
பருத்தித்துறை, வாணக்குடியிருப்பு, தம்பசிட்டி, கொழும்பு, London, United Kingdom
28 May, 2026
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015