13 ஆவது திருத்த விவகாரத்தில் சிங்கள தலைமைகளுக்கு துணிவில்லை - சபா குகதாஸ் குற்றச்சாட்டு
''13 ஆவது திருத்தத்தை ஒற்றையாட்சி அரசியலமைப்பின் கீழ் முழுமையாக நடைமுறைப்படுத்தவோ அல்லது இல்லாது ஒழிக்கவோ சிங்கள தலைமைகளுக்கு துணிவில்லை'' என வடக்கு மாகாண சபையின் முன்னாள் உறுப்பினர் சபா குகதாஸ் குற்றம் சாட்டியுள்ளார்.
நேற்றைய தினம் (11.08.2023) ஊடகங்களுக்கு வெளியிட்ட அறிக்கையிலேயே அவர் இவ்வாறு தெரிவித்துள்ளார்.
மேலும் அவர் குறிப்பிடுகையில் ,
நாடாளுமன்றத்திலும் வெளியிலும் 13ஆவது சரத்தை நீக்க வேண்டும் என கூச்சலிடும் சிங்களபேரினவாதிகளால் குறித்த திட்டத்தில் வெற்றி காண முடியவில்லை.
13ஆவது திருத்த சட்டம்
13ஆவது திருத்தத்தை நடைமுறைப்படுத்த வேண்டும் என முன்வரும் ஆட்சியாளர்கள், அடுத்த தேர்தலில் தங்களின் ஆட்சிக் கதிரை பறி போய்விடும் என்ற பயத்தின் காரணமாகப் பேச்சளவில் மட்டும் தங்களது ஆட்சியை முன் நகர்த்த எத்தணிக்கிறார்கள்.
காரணம் இந்தியாவைப் பேரினவாத சக்தியால் பகைத்துக்கொள்ள முடியவில்லை. மாறாக இனவாதம் பேசுபவர்கள் 13ஐ எதிர்ப்பதன் மூலம் தங்கள் வாக்கு வங்கியைத் தக்க வைக்கின்றனர்.
இன்றைய அதிபர் ரணில் விக்ரமசிங்கவும் கூட இதற்கு விதிவிலக்கானவர் அல்ல எனவும் குறிப்பிட்டுள்ளார்.
நாடு இனவாதத்தால் அழியும்
நாட்டின் அமைதிக்கு அதிகாரப் பகிர்வே நிரந்தர தீர்வாக இருந்தாலும் 13ஆவது திருத்தச்சட்டம் முழுமையாக நடைமுறைப்படுத்தப்பட்டால் இனவாதத்திற்கான சந்தர்ப்பங்கள் குறைவடைந்து இனங்களிடையே ஐக்கியம் உருவாக வழி திறக்கும் அத்துடன் நிரந்தர அமைதிக்கான அத்திவாரமாகவும் அது அமையும்.
இலங்கை சுதந்திரம் அடைந்த காலத்தில் இருந்து இன மோதலுக்கான தீர்வை பேரினவாத சக்திகளின் எதிர்ப்புகள் இன்றி தீர்வு கொடுக்கக்கூடிய வாய்ப்பு மகிந்த ராஜபக்சவுக்கு கிடைத்தது ஆனால் அவர் அதனைப் பயன்படுத்தவில்லை.
ஆனால் எதிர்வரும் காலத்திலாவது அதிகாரத்திற்கு வருபவர்கள் இனப்பிரச்சினையை முடிவுறுத்தா விட்டால் நாடு இனவாதத்தால் அழியும் நிலைக்குத் தள்ளப்படும் என்று மேலும் அவர் தெரிவித்தார்.
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
