யாழ் 20 வயது இளைஞன் 123 மில்லியன் பெறுமதியான கேரள கஞ்சாவுடன் கைது
யாழ்ப்பாணத்தில் வசிக்கும் 20 வயதுடைய சந்தேக நபர் ஒருவரை வடக்கு கடற்பரப்பில் வைத்து கைது செய்த இலங்கை கடற்படையினர், 123 மில்லியன் ரூபா பெறுமதியான கேரள கஞ்சாவை கைப்பற்றியுள்ளனர்.
சவுக்காடு கடற்பகுதியில் செவ்வாய்க்கிழமை (3) இருள் சூழ்ந்த வேளையில் கடற்படையினரால் மேற்கொள்ளப்பட்ட விசேட நடவடிக்கையின் மூலம் சுமார் 492 கிலோகிராம் கேரள கஞ்சா கைப்பற்றப்பட்டதுடன், படகுடன் சந்தேகநபர் ஒருவர் கைது செய்யப்பட்டுள்ளார்.
கடல் மார்க்கமாக வெளிவரும் போதைப்பொருள் கடத்தல் உள்ளிட்ட பரந்தளவிலான சட்டவிரோத நடவடிக்கைகளை தடுக்க இலங்கை கடற்படை வழக்கமான நடவடிக்கைகளை மேற்கொண்டு வருகிறது.
அதன்படி, நேற்று (3) சவுக்காடு கடற்பகுதியில் சந்தேகத்திற்கிடமான படகு ஒன்று கண்டுபிடிக்கப்பட்டதையடுத்து இலங்கை கடற்படையினர் படகை சோதனையிட்ட போது 15 சாக்குகளில் அடைக்கப்பட்ட 225 பொதிகளில் சுமார் 492 கிலோகிராம் கேரள கஞ்சாவை மீட்க முடிந்தது.
இதன்படி, சந்தேக நபருடன் கேரள கஞ்சா பதுக்கி வைக்கப்பட்டிருந்த மற்றும் ஒரு படகு கடற்படையினரால் கைப்பற்றப்பட்டுள்ளது.
கைப்பற்றப்பட்ட கேரள கஞ்சாவின் மொத்த மதிப்பு ரூ.123 மில்லியனுக்கும் அதிகமாக இருக்கும் என நம்பப்படுகிறது.
குற்றஞ்சாட்டப்பட்டவர்கள், கேரள கஞ்சா மற்றும் படகுகளுடன் மேலதிக விசாரணைக்காக வட்டுக்கோட்டை காவல்துறையினரிடம் ஒப்படைக்கப்படவுள்ளனர்.
புங்குடுதீவு 10ம் வட்டாரம், புங்குடுதீவு 12ம் வட்டாரம், Toronto, Canada
17 Apr, 2025
புங்குடுதீவு 12ம் வட்டாரம், புங்குடுதீவு, கொழும்பு, London, United Kingdom
24 Apr, 2025
வல்வெட்டித்துறை கம்பர்மலை, பரந்தன், London, United Kingdom
11 Apr, 2025
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024
மலேசியா, Malaysia, உடுப்பிட்டி, New Malden, United Kingdom
29 Apr, 2025
