வரவு - செலவுத்திட்டத்தை பொதுஜன பெரமுன ஆதரிக்கக்கூடாது - ஜி.எல். பீரிஸ்
பொருளாதார நெருக்கடிக்கு முகங்கொடுத்து உள்ள மக்களை மேலும் நெருக்கடிக்குள்ளாக்கும் இந்த வரவு செலவுத்திட்டத்தை பொதுஜன பெரமுன ஆதரிக்கக் கூடாது என சுதந்திர மக்கள் சபையின் பிரதிநிதியும் நாடாளுமன்ற உறுப்பினருமான ஜீ. எல். பீரிஸ் தெரிவித்துள்ளார்.
கொழும்பில் அமைந்துள்ள கட்சியின் அலுவலகத்தில் இடம்பெற்ற ஊடகவியலாளர் சந்திப்பில் கலந்துகொண்டு கருத்து தெரிவிக்கும் போதே அவர் மேற்கண்டவாறு குறிப்பிட்டுள்ளார்.
இவ்விடயம் தொடர்பாக மேலும் அவர் தெரிவிக்கையில்,
நாட்டுக்கு பொருத்தமானதா?
“அதிபரினால் முன்வைக்கப்பட்டுள்ள வரவு - செலவு திட்டம் நாட்டுக்கு பொருத்தமானதா? அல்லது தற்போது இருக்கும் நெருக்கடிகளை மேலும் உக்கிரமடைய செய்யும் ஒன்றா? என்பதை அனைவரும் சிந்திக்க வேண்டும்.
அடுத்த வருடம் மேலும் புதிய வரிக் கொள்கைகள் நடைமுறைப்படுத்தப்படவுள்ளது. வற் வரி 60 வீதத்தால் அதிகரிக்கப்படவுள்ளது.
இந்த வற் வரி நாட்டு மக்களிடமிருந்தே அறவிடப்பட இருக்கிறது. இதன் காரணமாக அத்தியாவசிய பொருட்களின் விலைகள் அதிகரித்து, மக்களின் வாழ்க்கை செலவு அதிகரிக்கும். உழைக்கும் மக்கள் பாதிக்கப்பட போகிறார்கள்.
மின் கட்டணம்
இதேவேளை கடந்த 8 மாதங்களுக்குள் மின் கட்டணம் செலுத்தாத சுமார் 7 இலட்சத்து 80 ஆயிரத்து 835 குடும்பங்களின் மின்சார விநியோகம் துண்டிக்கப்பட்டுள்ளது.
இதுவே நாட்டின் தற்போதைய நிலைமை. எனவே நாட்டு மக்களின் வாழ்க்கை செலவு வானத்தை தொடும் அளவுக்கு உள்ள நிலையில் இந்த வரவு செலவுத்திட்டம் மீண்டும் அவர்களை நெருக்கடிக்குள் தள்ளும் என்பதை உணர்ந்து நாடாளுமன்றத்தில் நாம் வரவு செலவுத்திட்டதுக்கு ஆதரவளிக்க வேண்டுமா என்பதை யோசிக்க வேண்டும்.
கேள்விக்குறியாகும் நாட்டின் பாதுகாப்பு
பணமில்லை என கூறி நாட்டின் வளங்களை விற்பனை செய்கிறார்கள். நாட்டின் பாதுகாப்பும் கேள்விக்குறியாகியுள்ளது.
அதிக வரியை அறிவிட தீர்மானிக்கப்பட்டுள்ளது. வெளிநாட்டு கடன்களை பெற்றுக்கொள்கிறார்கள்.
இருக்கும் கடனை செலுத்தாமல் மேலும் மேலும் கடன்களை பெற்றுக்கொள்கிறார்கள்.
இந்த வரவு செலவுத்திட்ட முன்மொழிவுகள் வெறும் கற்பனை கனவுகள்.
நடைமுறைக்கு பொருந்தாது. நாடாளுமன்றத்தின் பெரும்பான்மை பொதுஜன பெரமுனவிடமே இருக்கிறது.
வரவு செலவுத்திட்டத்தை நடைமுறைப்படுத்துவதா? அல்லது தோற்கடிக்க செய்வதா? என்பது அவர்களின் கைகளிலேயே உள்ளது.
நாட்டின் பொருளாதாரம், நாட்டு மக்களின் எதிர்காலம் பெரமுன எடுக்க போகும் தீர்மானத்திலேயே தங்கியுள்ளது.” என்றார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
அளவெட்டி, London, United Kingdom, Wales, United Kingdom
19 Apr, 2023
வல்வெட்டித்துறை கம்பர்மலை, பரந்தன், London, United Kingdom
11 Apr, 2025
புங்குடுதீவு 10ம் வட்டாரம், Biel/Bienne, Switzerland, Brampton, Canada
17 Apr, 2025
ஓட்டுமடம், புங்குடுதீவு 6ம் வட்டாரம், திருச்சி, India, Toronto, Canada
17 Apr, 2015
