இலங்கையில் இயற்கையின் சீற்றம் : குடும்பங்களுக்கு ஏற்பட்ட நிலை

Parliament of Sri Lanka Sri Lanka Sri Lankan Peoples Landslide In Sri Lanka

By Jaso Jan 13, 2025 10:38 AM GMT

Jaso

in சமூகம்

Report

இலங்கையில்(sri lanka) 2019 ஆம் ஆண்டு முதல் நிலச்சரிவு காரணமாக 3,154 குடும்பங்கள் இடம்பெயர்ந்துள்ளதாகவும், அதில் 264 குடும்பங்கள் இன்னும் தற்காலிக வீடுகளில் வசித்து வருவதாகவும், மேலும் 128 குடும்பங்கள் தற்போது உறவினர்கள் அல்லது நண்பர்களின் வீடுகளில் வசித்து வருவதாகவும் நாடாளுமன்றத்தில் தெரிவிக்கப்பட்டது.

இதில் பதுளை(badulla) மாவட்டத்தைச் சேர்ந்த 955 குடும்பங்கள் இடம்பெயர்ந்துள்ளன. அந்த மாவட்டத்தில் 2019 மற்றும் 2025 க்கு இடையில் நிலச்சரிவுகள் காரணமாக அதிக எண்ணிக்கையிலான குடும்பங்கள் இடம்பெயர்ந்தன. அந்தக் குடும்பங்களில், 104 குடும்பங்கள் தற்போது தற்காலிக வீடுகளில் வசிக்கின்றன, மேலும் 42 குடும்பங்கள் உறவினர்கள் அல்லது நண்பர்களின் வீடுகளில் தங்கியுள்ளன.

மண்சரிவால் இடம்பெயர்ந்த குடும்பங்கள்

இந்தக் காலகட்டத்தில் நுவரெலியா(nuwara eliya) மாவட்டத்தில் 658 குடும்பங்கள் மண்சரிவு காரணமாக இடம்பெயர்ந்துள்ளன, அதில் 3 குடும்பங்கள் தற்போது தற்காலிக வீடுகளில் வசித்து வருகின்றன.

இலங்கையில் இயற்கையின் சீற்றம் : குடும்பங்களுக்கு ஏற்பட்ட நிலை | 3154 Families Displaced Due To Landslides

இதற்கிடையில், 2019 மற்றும் 2025 க்கு இடையில், கேகாலை மாவட்டத்தில் 526 குடும்பங்களும், களுத்துறை மாவட்டத்தில் 397 குடும்பங்களும், மாத்தளை மாவட்டத்தில் 134 குடும்பங்களும், மாத்தறை மாவட்டத்தில் 127 குடும்பங்களும், இரத்தினபுரி மாவட்டத்தில் 118 குடும்பங்களும், குருநாகல் மாவட்டத்தில் 112 குடும்பங்களும் நிலச்சரிவு காரணமாக இடம்பெயர்ந்துள்ளன.

நாடாளுமன்றில் அளிக்கப்பட்ட பதில்

வாய்மொழி பதிலை எதிர்பார்த்திருந்த தேசிய மக்கள் சக்தி நாடாளுமன்ற உறுப்பினர் ரவீந்திர பண்டார எழுப்பிய கேள்விக்குப் பதிலளிக்கும் விதமாக, பிரதி பாதுகாப்பு அமைச்சர் அருண ஜெயசேகர அளித்த பதிலில் இந்த விடயம் தெரிவிக்கப்பட்டுள்ளது.