சீரற்ற வானிலையால் 47 பேர் பலி: பலத்த மழை தொடரும் எனவும் எச்சரிக்கை!

நாட்டில் தற்போது நிலவும் சீரற்ற வானிலை காரணமாக உயிரிழந்தவர்களின் எண்ணிக்கை 47 ஆக அதிகரித்துள்ளது.

அதன்படி, நேற்று (26.11.2025) மற்றும் இன்று (27.11.2025) ஆகிய இரு தினங்களில் மாத்திரம் 37 உயிரிழப்புகள் பதிவாகியுள்ளன.

இதற்கமைய, இதுவரை உயிரிழந்தவர்களின் எண்ணிக்கை 47 ஆக அதிகரித்துள்ளது.

ஏற்றப்பட்டது பொதுச் சுடர்! விழிநீரால் நனைந்த கனகபுரம் மாவீரர் துயிலும் இல்லம்

21 பேர் மாயம்

குறித்த அனர்த்த நிலைமையால் 21 பேர் காணாமல் போயுள்ளதாக அனர்த்த முகாமைத்துவ மத்திய நிலையம் தெரிவித்துள்ளது.

அத்துடன், சீரற்ற வானிலை காரணமாக 1,729 குடும்பங்களைச் சேர்ந்த 5,893 பேர் பாதிக்கப்பட்டுள்ளதாகவும் தெரிவிக்கப்பட்டுள்ளது.

இதேவேளை, பதுளை மாவட்டத்தில் ஏற்பட்ட மண்சரிவுகளில் 23 பேர் உயிரிழந்துள்ளதாகவும், மேலும் 5 பேர் காணாமல் போயுள்ளதாகவும் மாவட்ட செயலாளர் பிரபாத் அபேவர்தன தெரிவித்துள்ளார்.

அத்துடன், கண்டி, கங்கொடை பிரதேசத்தில் ஏற்பட்ட மண்சரிவில் சுமார் 20 பேர் காணாமல் போயுள்ளனர். இதேவேளை, நுவரெலியா மாவட்டத்தில் மண்சரிவுகள் காரணமாக 6 உயிரிழப்புகள் பதிவாகியுள்ளமை குறிப்பிடத்தக்கது.

வீரர்களுக்கு விழி நீரால் நினைவேந்தப்பட்ட தேராவில் துயிலுமில்லம்

பிரித்தானியாவிலிருந்து உணர்வெழுச்சியுடன் வந்த தமிழ் எம்.பியின் மாவீரர் தின செய்தி!