வீடொன்றில் நள்ளிரவுவேளை பற்றிய தீ
அம்பாறை மாவட்டம், சம்மாந்துறை காவல்துறை பிரிவுக்குட்பட்ட வளத்தாப்பிட்டி பளவெளிப் பகுதியில் அமைந்துள்ள வீடொன்றில் இன்று (23) அதிகாலை வேளையில் திடீர் தீப்பரவல் சம்பவமொன்று இடம்பெற்றுள்ளது.
இத் தீப்பரவலின் காரணமாகக் குறித்த வீடு பகுதியளவில் தீக்கிரையாகி சேதமடைந்துள்ளதுடன், வீட்டின் அருகில் நிறுத்தி வைக்கப்பட்டிருந்த மோட்டார் சைக்கிளொன்றும் பகுதியளவில் சேதமடைந்துள்ளதாகத் தெரிவிக்கப்படுகிறது.
தீ விபத்து ஏற்பட்டமைக்கான காரணம்
தீ விபத்து ஏற்பட்டமைக்கான காரணம் இதுவரை உறுதிப்படுத்தப்படாத நிலையில், சம்பவம் தொடர்பாக சம்மாந்துறை காவல்துறைக்கு உடனடியாகத் தகவல் வழங்கப்பட்டுள்ளது.
சம்பவ இடத்திற்குச் சென்ற சம்மாந்துறை காவல்துறையினர், தீ விபத்துக்கான காரணம் மற்றும் சேத விவரங்கள் குறித்த விரிவான விசாரணைகளை முன்னெடுத்து வருகின்றனர்.
காவல்துறையின் மேலதிக விசாரணைகளின் பின்னரே தீப்பரவலுக்கான உண்மைப் பின்னணி தெரியவரும் என எதிர்பார்க்கப்படுகிறது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
யாழ்ப்பாணம், வவுனியா, கனடா, Canada, Montreal, Canada
31 Aug, 2015
