யாழ்ப்பாணத்தில் காவல்துறையினரால் சுற்றிவளைக்கப்பட்ட வீடு (படங்கள்)
யாழ்ப்பாணம் - கோண்டாவில் பகுதியில் உள்ள வீடொன்று இன்றையதினம் காவல்துறையினரின் சுற்றிவளைப்பிற்கு உள்ளானது. இதன்போது 500 கிராம் கேரள கஞ்சா, 100 கிராம் ஹெரோயின், ஆறு போதை மாத்திரைகள், போதை மருந்தேற்ற பயன்படுத்தப்படும் ஊசிகள் என்பன மீட்கப்பட்டதுடன் ஒருவர் கைது செய்யப்பட்டார்.
இது குறித்து மேலும் தெரியவருவதாவது,
நீண்ட காலமாக கோண்டாவில் செபஸ்டியன் வீதியில் போதைப்பொருள் விற்பனையில் ஈடுபட்ட சந்தேக நபர் ஒருவர் 50,000 ரூபாய் பணத்துடன் திங்கட்கிழமை(01) யாழ்ப்பாண பிராந்திய சிரேஸ்ட காவல்துறை அத்தியட்சகரின் கீழ் இயங்கும் காவல்துறை புலனாய்வாளர்களால் கைது செய்யப்பட்டார்.
சுற்றிவளைக்கப்பட்ட வீடு
சந்தேக நபரிடம் மேற்கொள்ளப்பட்ட விசாரணைகளையடுத்து சந்தேக நபரின் வீடு கோப்பாய் காவல்துறையினர் மற்றும் மோப்ப நாய் சகிதம் தீவிர தேடுதலுக்கு உட்படுத்தப்பட்டது.
பல்வேறு குற்றச்செயல்களுடன் தொடர்பு
இதன்போது போதைப்பொருட்கள் சில கைப்பற்றப்பட்டன. 24 மற்றும் 21 வயதான இருவர் காவல்துறையினரால் கைது செய்யப்பட்டதுடன் கைதானவர்களில் ஒருவர் பல்வேறு குற்றச்செயல்களுடன் தொடர்புடையவர் எனவும் போதைப்பொருள் வியாபாரி எனவும் காவல்துறையினர் தெரிவித்துள்ளனர்.
சந்தேக நபர்கள் இருவரும் மேலதிக நடவடிக்கைக்காக கோப்பாய் காவல் நிலையத்தில் ஒப்படைக்கப்பட்டனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
