இலங்கை வந்த பெண் சுற்றுலா பயணிக்கு நேர்ந்த துயரம்
கொழும்பு கோட்டையில் இருந்து பதுளை நோக்கி பயணித்த பொடிமெனிகே தொடருந்தில் பயணித்த மொரோக்கோ நாட்டைச் சேர்ந்த சுற்றுலாப் பெண் ஒருவர் நேற்று (21) பிற்பகல் பட்டிப்பளை மற்றும் ஒஹியா தொடருந்து நிலையங்களுக்கு இடையில் தொடருந்தில் இருந்து தவறி விழுந்து படுகாயமடைந்து பதுளை போதனா மருத்துவமனையில் அனுமதிக்கப்பட்டுள்ளதாக ஹப்புத்தளை காவல்துறையினர் தெரிவித்தனர்.
வெளிநாட்டு சுற்றுலாப் பயணியான மேரி கொரோலி (35) என்பவரே காயமடைந்துள்ளதாக காவல்துறையினர் குறிப்பிட்டனர்.
தொடருந்தின் கால் பலகையில் இருந்து தவறி விழுந்து
இவர் தனது தோழியுடன் பொடிமெனிகே தொடருந்தில் எல்ல நோக்கி பயணித்த போது, தொடருந்தின் கால் பலகையில் இருந்து தவறி விழுந்து காயமடைந்துள்ளதாக காவல்துறையினர் மேலும் கூறினர்.
பதுளை போதனா வைத்தியசாலையில் அனுமதி
படுகாயமடைந்த வெளிநாட்டு சுற்றுலாப் பெண் தியத்தலாவை ஆதார வைத்தியசாலையில் அனுமதிக்கப்பட்ட பின்னர் மேலதிக சிகிச்சைக்காக பதுளை போதனா வைத்தியசாலையில் அனுமதிக்கப்பட்டுள்ளதாக காவல்துறையினர் தெரிவித்தனர்.
ஹப்புத்தளை காவல் நிலைய பிரதான காவல்துறை பரிசோதகர் சேபால ரத்நாயக்க உள்ளிட்ட அதிகாரிகள் மேலதிக விசாரணைகளை மேற்கொண்டு வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
