வங்கப்புலிகளை வீழ்த்தி அரையிறுதிக்குள் நுழைந்தது ஆப்கான்
2024 உலகக் கிண்ண கிரிக்கெட் தொடரின் சூப்பர் 8 சுற்றில் பங்களாதேஷ் அணியை 8 ஓட்டங்களால் வீழ்த்தி ஆப்கானிஸ்தான் அணி அரையிறுதிக்கு தகுதி பெற்றுள்ளது.
மேற்கிந்தியதீவுகளின் கிங்ஸ்ரவுன் மைதானத்தில் இந்தப்போட்டி நடைபெற்றது.
இதன்படி போட்டியில் நாணய சுழற்சியில் வென்று முதலில் துடுப்பெடுத்தாடிய ஆப்கானிஸ்தான் அணி நிர்ணயிக்கப்பட்ட 20 ஓவர்கள் நிறைவில் 5 விக்கெட் இழப்புக்கு 115 ஓட்டங்களை பெற்றுக் கொண்டது.
ஆப்கானிஸ்தான் அணி சார்பில்
ஆப்கானிஸ்தான் அணி சார்பில் ரஹ்மானுல்லா குர்பாஸ்(Rahmanullah Gurbaz) 43 ஓட்டங்களை அதிகபட்சமாக எடுத்தார்.
பந்துவீச்சில் பங்களாதேஷ் அணி சார்பாக ரிஷாட் ஹொசைன்(Rishad Hossain) 03 விக்கெட்டுகளை கைப்பற்றினார்.
இதேவேளை, போட்டியில் அடிக்கடி மழை குறுக்கிட்டதால் பங்களாதேஷ் அணிக்கு 19 ஓவர்களில் 114 என்ற வெற்றி இலக்கு டக்வேர்த் லூயிஸ் முறைப்படி நிர்ணயிக்கப்பட்டது.
மழையால் பறிபோன வெற்றி
இதற்கமைய, வெற்றி இலக்கை நோக்கி பதிலுக்கு துடுப்பெடுத்தாடிய பங்களாதேஷ் அணி 17.5 ஓவர்கள் நிறைவில் அனைத்து விக்கெட்டுக்களையும் இழந்து 105 ஓட்டங்களை மாத்திரமே பெற்றுக் கொண்டது.
பங்களாதேஷ் அணி சார்பில் லிட்டன் தாஸ்(Litton Das) ஆட்டமிழக்காமல் 54 ஓட்டங்களைப் பெற்றுக் கொண்டார்.
பந்து வீச்சில் நவீன்-உல்-ஹக் மற்றும் ரஷீத் கான் ஆகியோர் தலா 4 விக்கெட்டுக்களை கைப்பற்றினர்.
போட்டியின் ஆட்டநாயகன்
இதற்கமைய, 2024 ரி 20 உலகக்கிண்ணத் தொடரின் அரையிறுதிக்கு இந்தியா, இங்கிலாந்து, தென்னாபிரிக்கா மற்றும் ஆப்கானிஸ்தான் அணிகள் தெரிவாகியுள்ளன. அரையிறுதி போட்டிகளில் இந்தியா மற்றும் இங்கிலாந்து அணிகளும், தென்னாபிரிக்கா மற்றும் ஆப்கானிஸ்தான் அணிகளும் மோதவுள்ளமை குறிப்பிடத்தக்கது.
இந்தப் போட்டியின் ஆட்டநாயகனான ஆப்கான் அணி வீரர் நவீன் உல் ஹக் தெரிவானார்.
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
