அமெரிக்க ஜனாதிபதி தேர்தல் தோல்விக்கு பிறகு மனம் திறந்த கமலா ஹாரிஸ்
இந்த தேர்தல் தோல்வியை ஒப்புக் கொண்டாலும் பிரச்சாரத்திற்கு தூண்டிய போராட்டத்தில் தோல்வியை ஒப்புக் கொள்ளமாட்டேன் என கமலா ஹாரிஸ் (Kamala Harris) தெரிவித்துள்ளார்.
மேலும், அனைத்து மக்களின் சுதந்திரம், வாய்ப்பு, நியாயம் மற்றும் கண்ணியத்திற்கான போராட்டம் தொடரும் எனவும் குறிப்பிட்டுள்ளார்.
அமெரிக்க ஜனாதிபதி தேர்தல் முடிவுகள் நேற்று வெளியாகியுள்ள நிலையில், இன்று (7) அதிகாலையில் உரையாற்றிய போதே அவர் இவ்வாறு தெரிவித்துள்ளார்.
நாட்டிற்கான போராட்டம்
இது தொடர்பில் மேலும் கருத்து தெரிவித்த அவர், நம் நாட்டிற்கான போராட்டம் எப்போதும் மதிப்பிற்குரியது என்று, கடின உழைப்பை விரும்புகிறோம்.
ஜனநாயகம், சட்டத்தின் ஆட்சி மற்றும் சம நீதிக்கான போராட்டத்தை ஒருபோதும் கைவிட மாட்டோம் என்றும் குறிப்பிட்ட அவர், நமது சுதந்திரத்திற்காக போராடுவது கடின உழைப்பை எடுக்கும்.சில நேரங்களில் போராட்டத்தில் வெற்றி கிடைக்க சிறிது நேரம் எடுக்கும்.
ஆனால் நாம் வெற்றிபெற மாட்டோம் என்று அர்த்தமல்ல. முக்கிய விடயம் என்னவென்றால், ஒருபோதும் கைவிடாதீர்கள். இந்த தேர்தல் தோல்வியை ஒப்புக் கொண்டாலும் பிரச்சாரத்திற்கு தூண்டிய போராட்டத்தில் தோல்வியை ஒப்புக் கொள்ளமாட்டேன்.
அனைத்து மக்களின் சுதந்திரம், வாய்ப்பு, நியாயம் மற்றும் கண்ணியத்திற்கான போராட்டம் தொடரும் இன்று முன்னதாக, நான் ஜனாதிபதியாக தெரிவு செய்யப்பட்ட டிரம்புடன் பேசினேன்.அவரது வெற்றிக்கு வாழ்த்து தெரிவித்தேன்.
டிரம்பிற்கு வாழ்த்து
டிரம்ப் மற்றும் அவரது குழுவின் மாற்றத்திற்கு நாங்கள் உதவுவோம் என்றும், அமைதியான முறையில் அதிகார மாற்றத்தில் ஈடுபடுவோம் என்றும் நான் டிரம்பிடம் கூறினேன்.
தேர்தலில் போட்டியிட்டது பற்றி நான் மிகவும் பெருமைப்படுகிறேன். இந்தத் தேர்தலின் முடிவு நாம் விரும்பியது, போராடியது. எதற்காக வாக்களித்தோம் என்பதற்கானது அல்ல.
முடிவுகளை நாம் ஏற்றுக்கொள்ள வேண்டும். நாம் போராடும் வரை அமெரிக்காவின் வாக்குறுதி வெளிச்சம் எப்போதும் பிரகாசமாக எரியும்" என்றார்.
இதேவேளை, அமெரிக்காவின் 47வது ஜனாதிபதியாக டொனால்ட் டிரம்ப் (Donald Trump) தெரிவு செய்யப்பட்டுள்ளார். அவருக்கு உலகம் முழுவதும் இருந்தும் வாழ்த்துக்கள் குவிந்து வருகின்றமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
