விவசாயப் பொருளாதாரக் கணக்கெடுப்பு ஆரம்பம்...!
தொகைமதிப்பு மற்றும் புள்ளிவிபரத் திணைக்களத்தினால் பத்து ஆண்டுகளுக்கு ஒருமுறை முன்னெடுக்கப்படும் பொருளாதாரக் கணக்கெடுப்பின் கீழ், 2025/26 பொருளாதாரக் கணக்கெடுப்பின் விவசாய நடவடிக்கைகள் தொடர்பான தகவல்களைப் சேகரிக்கும் பணிகள் ஆரம்பமாகியுள்ளன.
இதனிப்படையில், “இத்தகவல் சேகரிப்பு ஒக்டோபர் மாதம் முதலாம் திகதி முதல் டிசம்பர் மாதம் 14ஆம் திகதி வரை மேற்கொள்ளப்படவுள்ளது.
அனைத்து விவசாயத் தகவல்களையும் சேகரிக்கும் பணி தற்போது ஆரம்பிக்கப்பட்டுள்ளதாகத் தெரிவிக்கப்படுகிறது.
விவசாயப் பயிர்ச்செய்கை
இதன்கீழ் விவசாயப் பயிர்ச்செய்கை, கால்நடை வளர்ப்பு மற்றும் பயிர்ச்செய்கைக்காகப் பயன்படுத்தப்படும் நிலங்கள் பற்றிய தகவல்கள் சேகரிக்கப்படும்.
இதன்போது, முழு நாட்டையும் உள்ளடக்கும் வகையில் விவசாயத் துறையின் கட்டமைப்புத் தொடர்பில் மிகச்சிறிய நிர்வாகப் பிரிவான கிராம உத்தியோகத்தர் பிரிவு மட்டம் வரை தகவல்களைச் சேகரித்தல், செயலாக்குதல் மற்றும் விநியோகித்தல் என்பன இடம்பெறும்.
ஒரு பயிர்ச்செய்கை ஆண்டிற்கான உரிய விவசாயத் தகவல்களே இதற்காகப் அடிப்படையாகக் கொள்ளப்படுகின்றன.
கணக்கெடுப்புத் தகவல்
கணக்கெடுப்புத் தகவல்களின் இரகசியத்தன்மையை முழுமையாகப் பாதுகாப்பதற்குத் தொகைமதிப்பு மற்றும் புள்ளிவிபரத் திணைக்களம் கட்டுப்பட்டுள்ளதுடன் கணக்கெடுப்பின் போது பெறப்படும் எந்தவொரு தனிப்பட்ட தகவலையும் எந்தவொரு நபருக்கோ அல்லது நிறுவனத்திற்கோ வெளிப்படுத்த முடியாது.
அத்துடன், கணக்கெடுப்பு அட்டவணைகளிலுள்ள தகவல்களை நீதிமன்றத்தில் சான்றாகச் சமர்ப்பிக்கவும் முடியாது.
தகவல்களைச் சேகரிக்கும் உத்தியோகத்தர்கள் அனைத்துக் வீடுகளுக்கும் நிறுவனங்களுக்கும் சென்று விவசாய நடவடிக்கைகளில் ஈடுபடும் அலகுகளை இனங்கண்டு விவசாயக் குழுக்களுடன் நேர்காணல்களை நடத்துவதன் மூலம் தகவல்களைச் சேகரிக்கும் பணியை மேற்கொள்வர்” என தெரிவிக்கப்படுகின்றமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
