தவறிழைத்துவிட்டோம் - ஒப்புக்கொண்டார் நிதி அமைச்சர்

Ali Sabry Gotabaya Rajapaksa Sri Lanka Economic Crisis Sri Lankan political crisis

By Sumithiran Apr 29, 2022 05:50 PM GMT

Sumithiran

in இலங்கை

Report

நாட்டின் மிக மோசமான பொருளாதார நெருக்கடியை எதிர்கொள்வதால், நாட்டின் விற்பனை வரியை உயர்த்துவதைத் தவிர வேறு வழியில்லை என்று நிதியமைச்சர் அலி சப்ரி பிபிசியிடம், தெரிவித்துள்ளார்.

பிபிசிக்கு அளித்த பிரத்தியேக நேர்காணலில், அலி சப்ரி, 2019 ஆம் ஆண்டில் மதிப்பு கூட்டப்பட்ட வரி (VAT) விகிதத்தை 8% ஆக பாதியாகக் குறைத்தபோது அரசாங்கம் தவறு செய்ததாக ஒப்புக்கொண்டார்.

தினசரி அத்தியாவசியப் பொருட்களை இறக்குமதி செய்வதற்கு அடுத்த எட்டு மாதங்களில் தேசத்திற்கு $4bn (£3.2bn) தேவைப்படுகிறது என அவர் தெரிவித்தார்.

“வரிகளை அதிகரிக்க வேண்டும். எங்களிடம் உள்ள வருவாய் மற்றும் செலவின இடைவெளியைக் குறைக்க வழிவகை செய்ய வேண்டும்,'' என்றார்.

அத்தியாவசியப் பொருட்களின் இறக்குமதியை நம்பியிருக்கும் இலங்கை போன்ற ஒரு நாட்டிற்கு தற்போதைய VAT நிலை "நிச்சயமாக நிலையானது அல்ல" என்று கூறிய அவர், விகிதம் 13% அல்லது 14% ஆக உயர்த்தப்பட வேண்டும் என்றார்.

கோட்டாபய ராஜபக்ச அரச தலைவராக பதவியேற்றவுடன் 2019 இல் வரிகளை குறைக்கும் நடவடிக்கை தவறானது என்பதை ஒப்புக்கொண்ட அவர், உதவிக்காக சர்வதேச நாணய நிதியத்தை நாடுவதற்கு முன்பு அரசாங்கம் நீண்ட காலம் காத்திருந்ததாகவும் கூறினார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்