கிழக்கு ஆளுநர் செந்தில் தொண்டமான் மீது எழுந்துள்ள குற்றச்சாட்டு
சட்ட விரோதமான முறையில் யாப்பின் விதிகளை புறக்கணித்து திருகோணமலை (Trinco) திருக்கோணேஸ்வர ஆலய நிர்வாகத்தினை தம்வசமாக்க நினைக்கும் கிழக்கு ஆளுநர் செந்தில் தொண்டமானின் (Senthil Thondaman) சட்டவிரோத செயற்பாடுகளை வன்மையாக கண்டிப்பதாக திருக்கோணேஸ்வர ஆலய பரிபாலன சபையனர் குற்றஞ்சாட்டியுள்ளனர்.
திருக்கோணேஸ்வர ஆலய பரிபாலன சபையினால் இன்றையதினம் (11) ஊடகவியலாளர் சந்திப்பு ஒன்று ஆலய பரிபாலன சபை அலுவலகத்தில் இடம்பெற்றது.
இதன்போது கருத்து தெரிவித்த ஆலய பரிபாலன் சபைத் தலைவர் திலகரத்தினம் துஷ்யந்தன் ஆலயத்தில் அண்மையில் திருட்டுப் போனதாக கூறப்படும் சோழர்கால நகை தொடர்பிலான விடயங்கள் தொடர்பில் கருத்து வெளியிட்டார்.
அதிகார மீறல்
இது தொடர்பிலாக போலியான செய்திகள் பரப்பப்பட்டதாகவும் அது ஆளுநர் செயலகம் மூலமாகவும் போலியான வதந்திகள் பரப்பப்படுவதாகவும் அவர் தெரிவித்தார்.
இதுவரைகாலமும் படிப்படியாக நடாத்தப்பட்டு வரும் நிர்வாக சபையில் எந்த வகையிலும் சோழர் காலத்தினுடைய நகைகள் எதுவுமே இதுவரை கையிருப்பிலும் இல்லை கைமாறப்படவும் இல்லை என அவர் இதன்போது கூறினார்.
காணாமல் போனதாக கருதப்படும் நகைகள் தினசரி பாவனைக்காக பயன்படுத்தப்படும் 3 பவுன் நகை மாத்திரமே என அவர் இதன்போது குறிப்பிட்டார்.
கிழக்கு மாகாண ஆளுநர் செந்தில் தொண்டமான் கடந்த 3 தினங்களுக்கு முன்பாக ஆலய பொதுச் சபை கூட்டம் ஒன்றினை கூட்டுமாறு தம்மை பணித்ததாகவும் அதற்கு யாப்பின் அடிப்படையில் அனுமதி இன்மையால் அது தொடர்பில் தெளிவாக ஆலய தரப்பிலிருந்து விளக்கம் தெரிவிக்கப்பட்டதாகவும் தெரிவித்தனர்.
தங்களுக்கு ஏற்படுத்தப்படும் நெருக்கடிகள் தொடர்பிலும் குறிப்பாக இன்றையதினம் கிழக்கு மாகாண ஆளுநர், பொதுச்சபை கூட்டம் எனும் போர்வையில் திட்டமிட்ட அபகரிப்பிற்கு வழிகோலுவதாகவும் தெரிவித்தனர்.
இன்றையதினம் ஆளுநரால் கூட்டப்படும் கூட்டமானது அதிகாரத்தினை மீறும் வகையில் அமைவதாக இதன் போது கருத்து வெளியிட்ட ஆலய நிர்வாகத்தினர் தெரிவித்தனர்.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
யாழ்ப்பாணம், இலங்கை, Toronto, Canada, Fairfield, United States, Rochester, United States, Annandale, United States
01 Jan, 2026
உரும்பிராய், கொழும்பு, Tooting, United Kingdom, Coulsdon, United Kingdom
07 Jan, 2026
பாண்டிருப்பு, காரைதீவு, மட்டக்களப்பு, London, United Kingdom
13 Jan, 2018
யாழ் அல்லைப்பிட்டி 3ம் வட்டாரம், Jaffna, Ivry-sur-Seine, France
12 Jan, 2022
மல்லாவி யோகபுரம், கொழும்பு, Kuala Lumpur, Malaysia, Toronto, Canada, அளவெட்டி
25 Dec, 2024
