நல்லை ஆதீன குரு முதல்வரை சந்தித்த 3 நாடுகளின் தூதுவர்கள்(படங்கள்)

Jaffna Sri Lanka Japan Switzerland South Africa

By Shadhu Shanker Dec 16, 2023 05:20 PM GMT

Shadhu Shanker

in சமூகம்

Report

இலங்கை வருகை தந்துள்ள 3 நாடுகளின் தூதுவர்களும் நல்லூர் நல்லை ஆதீன குரு முதல்வர் இல்லத்தில் குரு முதல்வரை சந்தித்து உள்ளனர்.

சுவிசர்லாந்து நாட்டின் இலங்கைக்கான தூதுவர் கலாநிதி சிறி வோல்ட் (Dr. Siri Walt), ஜப்பான் நாட்டின் இலங்கைக்கான தூதுவர் மிசுகொஷி ஹிடேகி (MIZUKOSHI Hideaki) மற்றும் தென்னாப்பிரிக்காவின் இலங்கைக்கான உயர்ஸ்தானிகர் சாண்டைல் எட்வின் ஷால்க் (Sandile Edwin Schalk) ஆகியோர்கள் மூன்று நாள் விஜயம் மேற்கொண்டு இலங்கை வந்துள்ள நிலையில் யாழ்ப்பாணம் விஜயம் செய்துள்ளனர்.

சமயரீதியான கலந்துரையாடல்

குறித்த சந்திப்பு இன்று காலை 10.00 மணியளவில் இடம்பெற்றுள்ளது.

நல்லை ஆதீன குரு முதல்வரை சந்தித்த 3 நாடுகளின் தூதுவர்கள்(படங்கள்) | Ambassadors Visited Jaffna Met Nallai Adeena Guru

இவர்கள், நல்லை ஆதீன குரு முதல்வர் தேசிக ஞானசம்பந்த பிரமாச்சாரி சுவாமிகளையும், தெல்லிப்பளை துர்க்கா தேவஸ்தான தலைவர் கலாநிதி ஆறு திருமுருகன், ஆன்மீக சமயத்தலைவர் ரிசி தொண்டு ஞான சுவாமிகளையும் சந்தித்துள்ளனர்.

இதன் போது வடமாகாணத்தில் முன்னெடுக்கப்படும் சமயரீதியான நல்லிணக்க விழிப்புணர்வுகள், சமயத்தலைவர்களினால் எதிர்நோக்கும் மக்கள் ரீதியான பிரச்சினைகள், அதன் ஊடாக அவர்கள் கிடைக்ககூடிய சாதகமான அரசாங்கத்தினால் கிடைக்கப்பெறக்கூடிய செயற்பாடுகள், இந்து சமய வளர்ச்சிக்கான அடிப்படைக்கு தேவையான விடயங்கள், கலாச்சார ரீதியாக எதிர்நோக்கும் விடயங்கள் பற்றி கலந்துரையாடப்பட்டுள்ளதாக தெரிவிக்கப்பட்டுள்ளது.