அமெரிக்காவில் துப்பாக்கிச் சூடு! சந்தேகநபர் தற்கொலை
அமெரிக்காவின் அயோவாவின் பெரி உயர் தரப்பாடசாலையில் இன்று இடம்பெற்ற துப்பாக்கி சூட்டு சம்பவத்தில் பலர் பலியாகியிருக்கலாம் என அச்சம் வெளியாகியுள்ளது.
இந்த துப்பாக்கிச்சூட்டு சம்பத்தில் காயமடைந்த பலர் தற்போது வைத்தியசாலைகளில் சிகிச்சை பெற்று வருவதாக தெரிவிக்கப்பட்டுள்ளது.
எவ்வாறாயினும், கொல்லப்பட்ட மற்றும் காயமடைந்தவர்களின் எண்ணிக்கையை வைத்தியசாலை வட்டாரங்கள் இதுவரை அறிவிக்கவில்லை என சர்வதேச ஊடகங்கள் செய்தி வெளியிட்டுள்ளன.
பாடசாலை ஆரம்ப நாள்
வருடாந்த குளிர்கால விடுமுறைக்கு பின் இன்று அயோவா பெரி உயர் தரப்பாடசாலையின் கல்வி நடவடிக்கைகள் ஆரம்பிக்கப்படவிருந்தன.
இந்த நிலையில், பாடசாலையின் முதல் நாளான இன்று, இனந்தெரியாத நபர் ஒருவர் பாடசாலைக்குள் நுழைந்து துப்பாக்கிச்சூட்டை நடத்தியுள்ளார்.
இதையடுத்து, பாதுகாப்பு படையினர் குறித்த இடத்துக்கு வருகை தந்து, பதற்ற நிலையை கட்டுப்பாட்டுக்குள் கொண்டு வந்துள்ளதுடன் காயமடைந்தவர்களை உடனடியாக வைத்தியசாலையில் அனுமதிக்கவும் நடவடிக்கை எடுத்துள்ளனர்.
குற்றவாளி தற்கொலை
எனினும், குறித்த துப்பாக்கிச்சூட்டு சம்பவத்தை மேற்கொண்ட நபர் தற்கொலை செய்து கொண்டுள்ளதாக தெரிவிக்கப்பட்டுள்ளது.
இந்த நிலையில், குறித்த பாடசாலை மாணவர்களுக்கு நாளைய தினம் விடுமுறை வழங்கப்பட்டுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
ஏழாலை, யாழ்ப்பாணம், Bad Marienberg, Germany, Hayes, United Kingdom
31 Mar, 2025
வீமன்காமம் வடக்கு, யாழ்ப்பாணம், பரிஸ், France, Ajax, Canada
03 Apr, 2025
