மாமாங்கேஸ்வரர் ஆலயத்தின் வருடாந்த தீர்த்தோற்சவம்

Batticaloa Sri Lanka Festival

By Shalini Balachandran Aug 04, 2024 11:09 AM GMT

Shalini Balachandran

in சமூகம்

Report

இராம பிரானால் வழிபட்ட பெருமையினைக் கொண்டமைந்த கிழக்கிலங்கையின் வரலாற்றுச் சிறப்புமிக்க மட்டக்களப்பு ஸ்ரீ மாமாங்கேஸ்வரர் ஆலயத்தின் வருடாந்த தீர்த்தோற்சவம் இன்று (04) ஆடி அமாவாசை தினத்தில் சிறப்பாக நடைபெற்றது.

மூர்த்தி, தலம், தீர்த்தம் என்பன ஒருங்கே அமையப்பெற்ற அவ்வாலயத்தின் மாமாங்கேஸ்வரர் ஆலயம் திகழ்கின்ற நிலையில் இலங்கையில் மிகவும் உயரமான திராவிட முகப்புத்திர சிற்ப மகாரதம் கொண்ட ஆலயமாகவும் சிறப்புபெற்ற இந்த ஆலயத்தின் பல்லாயிரக்கணக்கான பக்தர்கள் புடைசூழ பக்தர்களின் அரோகரா என்ற கோசங்கள் முழங்க தீர்த்தோற்சவம் நடைபெற்றது.

மாமாங்கேஸ்வரர் ஆலயத்தின் பிரதமகுரு சிவாகம கலாநிதி சிவ ஸ்ரீ கமலராஜ குருக்கள் தலைமையில் உற்சவம் கிரியைகள் இடம்பெற்றன.

மாமாங்கேஸ்வரர் ஆலயம்

வசந்த மண்டபத்தில் விசேட பூஜைகள் நடைபெற்று சுவாமி வீதியுலா சிறப்பாக நடைபெற்றதைத் தொடர்ந்து வெளிவீதி வலம் வந்து இராமபிரானால் வழிபட்ட ஆலயம் என்ற பெருமையினையும் பிதிர்க்கடன் தீர்க்கும் தீர்த்தக்கேணியைக் கொண்ட பெருமையினையும் கொண்டதாக மாமாங்கேஸ்வரர் ஆலயம் இருந்துவருகின்றது.

மேலும், அனுமன் இலங்காபுரியை எரித்தபோது தனது வாலினை நனைத்து கோபம் தணிந்த ஆலயம் என்ற இதிகாச புராணக்கதையினைக் கொண்டதாகவும் மாமாங்கேஸ்வரர் ஆலயத்தின் வரலாற்றுசிறப்பு காணப்படுகின்றது.