அப்பிள் நிறுவனம் புதிய சாதனை : 12 ஆண்டுகளில் முதல் தடவையாக பின்னடைவில் சம்சங்
கடந்த 12 ஆண்டுகளில் முதல் தடவையாக சம்சங் நிறுவனத்தை முதலாவது இடத்திலிருந்து வீழ்த்தி உலக நவீன கையடக்கத் தொலைபேசி சந்தையில் அப்பிள் நிறுவனம் தற்போது முதல் இடத்தை பிடித்துள்ளது.
சர்வதேச தரவு கழகத்தின் தகவல்களின்படி, அப்பிள் நிறுவனம் கடந்த ஆண்டு (2023) அதிகளவிலான நவீன கையடக்கத் தொலைபேசிகளை சந்தைக்கு வெளியிட்டுள்ளது.
2023 ஆம் ஆண்டு சந்தைக்கு அனுப்பப்பட்ட நவீன கையடக்கத் தொலைபேசிகளில் ஐந்தில் ஒரு பங்கிற்கும் அதிகமான எண்ணிக்கை அமெரிக்க நிறுவனமான அப்பிள் உள்ளதாக தெரிவிக்கப்பட்டுள்ளது.
பொருளாதார பின்னடைவு
அப்பிளுக்கு அடுத்த படியாக சம்சங் நிறுவனம் 19.4% சந்தைப் பங்கையும் அதற்கு அடுத்த இடங்களை சீனாவின் நவீன கையடக்கத் தொலைபேசி தயாரிப்பாளர்களான Xiaomi, OPPO மற்றும் Transsion ஆகியவை பிடித்திருப்பதாகவும் தரவுகள் தெரிவிக்கின்றன.
கொவிட்-19 நோய் தாக்கத்தினால் ஏற்பட்ட பொருளாதார பின்னடைவை அடுத்து நவீன கையடக்கத் தொலைபேசி விற்பனையானது சற்று வீழ்ச்சியை சந்தித்து வருகிறது.
கடந்த ஆண்டு (2023) சுமார் 1.2 பில்லியன் நவீன கையடக்கத் தொலைபேசிகள் விற்பனை செய்யப்பட்டிருப்பதாக சர்வதேச தரவு கழகம் தெரிவித்துள்ளது.
மிகக் குறைந்த எண்ணிக்கை
இது முந்தைய ஆண்டுடன் ஒப்பிடுகையில் 3 சதவீதத்துக்கும் அதிகமான வீழ்ச்சி என்பதுடன், இது ஒரு தசாப்தத்தில் விற்கப்பட்ட மிகக் குறைந்த எண்ணிக்கை எனவும் பதிவு செய்யப்பட்டுள்ளது.
பல நுகர்வோர் பொருளாதார சவால்கள் மற்றும் அதிக வட்டி விகிதங்களை எதிர்கொண்டு நவீன கையடக்கத் தொலைபேசிகளை வாங்குவதை குறைத்துள்ளனர்.
எனினும், இந்த ஆண்டு (2024) நவீன கையடக்கத் தொலைபேசி சந்தை மீண்டும் வளர்ச்சி பெற ஆரம்பித்திருப்பதாக நிபுணர்கள் கணித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 10ம் வட்டாரம், புங்குடுதீவு, கொழும்பு, Brampton, Canada
13 Jun, 2026
கைதடி, கொழும்பு, New York, Rochester, United States
10 Jul, 2026
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
புதுக்குளம், Ilford, United Kingdom, பிரித்தானியா, United Kingdom
10 Jul, 2019
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
