மியன்மாரில் சிக்கியுள்ள இலங்கையர்கள்: மீட்பதில் காலதாமதம் செய்யும் அரசாங்கம்
மியான்மாரில் இணையவழி குற்றச் செயல்களுடன் தொடர்புடைய முகாம்களில் தடுத்து வைக்கப்பட்டுள்ள இலங்கையர்களை மீட்பதில் அரசாங்கம் காலதாமதம் செய்து வருவதாக அங்கு சிக்கியுள்ள இலங்கை இளைஞர் ஒருவர் ஊடகங்களுக்கு தெரிவித்துள்ளார்.
மியான்மார் மற்றும் தாய்லாந்து எல்லைக்கு இடையில் பயங்கரவாத குழுக்களின் கட்டுப்பாட்டில் உள்ள “சைபர் கிரிமினல் ஏரியா” எனப்படும் மூன்று முகாம்களில் 56 இலங்கையர்கள் பலவந்தமாக தடுத்து வைக்கப்பட்டிருந்தனர்.
பயங்கரவாத வலையமைப்பினால் நடத்தப்படும் குறித்த முகாம்களில் இணையம் ஊடாக மக்களை ஏமாற்றி நிதி மோசடியில் அங்கு சிக்கியுள்ள இலங்கையர்கள் ஈடுபட வேண்டியுள்ளதாக தகவல்கள் வெளியாகியிருந்தன.
அரசாங்கம் தலையீடு
இது தொடர்பில் ஊடகங்கள் கருத்து வெளியிட்டதன் பின் அரசாங்கம் தலையீடு செய்து குறித்த 56 இலங்கையர்களில் எட்டு பேர் மீட்கப்பட்டனர்.
எனினும் அவர்கள் இதுவரை இலங்கைக்கு திரும்பவில்லை. இந்நிலையில் அங்கு சிக்கியுள்ள இலங்கையர் ஒருவர், தங்களுக்கு தொலைபேசி வசதிகள் எதுவும் இல்லையெனவும் மற்றும் வலுக்கட்டாயமாக தடுத்து வைத்து பணிக்கு அமர்த்தப்படுவதாகவும் ஊடகங்களுக்கு தெரிவித்துள்ளார்.
மேலும் தங்களுக்கு மின்சாரத்தின் ஊடாக தாக்குதல் நடத்தப்படுவதாகவும் மற்றும் உரிய வகையில் உணவுகள் வழங்கப்படுவதில்லையெனவும் அவர் குறிப்பிட்டுள்ளார்.
அத்தோடு உகாண்டா அரசாங்கம் குறித்த முகாம்களில் இருந்த தங்களது நாட்டு பிரஜைகள் குழுவை மீட்பதற்கு நடவடிக்கை எடுத்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
