போதைப்பொருளுடன் கைதான யாசகர் : விசாரணைகளில் வெளியான தகவல்
காலி, களுவெல்ல பிரதேசத்தில் 120 மில்லிகிராம் போதைப்பொருளுடன் யாசகர் ஒருவர், கைது செய்யப்பட்டுள்ளார்.
அவரிடம் நடத்திய விசாரணையில், நாளாந்தம் 8,000 முதல் 10,000 ரூபாய் வரை வருமானம் ஈட்டுவதாக தெரியவந்துள்ளது.
குறித்த யாசகர் 42 வயது மதிக்கத்தக்கவர் எனவும் அவர், போதை மற்றும் மதுவுக்கு அடிமையானவர் எனவும் காவல்துறையினர் குறிப்பிட்டுள்ளனர்.
களுவெல்ல பகுதியில் போதைப்பொருள் பொதியுடன் அவர் கைது செய்யப்பட்டுள்ளார்.
இவர் முன்னாள் இராணுவ வீரர் என்றும், இராணுவத்தில் கடமையாற்றும் போது ஏற்பட்ட விபத்தில் தனது காலை இழந்துள்ளதாகவும் காவல்துறையினர் தெரிவித்துள்ளனர்.
இந்த யாசகர் தனது நாளாந்த வருமானத்தில் 3,000 ரூபாவை வங்கியில் வைப்பு செய்துவிட்டு தினமும் முச்சக்கர வண்டியில் சென்று சட்டவிரோதமாக மதுபானம் அருந்துவதாக காவல்துறையினர் விசாரணையில் தெரியவந்துள்ளது.
இது தொடர்பாக மேலும் பல செய்திகளை இன்றைய காலை நேர செய்தி தொகுப்பில் காண்க.
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
