கணிசமாக அதிகரிக்கும் பேருந்து கட்டணம்! வெளியிடப்பட்ட தகவல்

Fuel Price In Sri Lanka Sri Lankan Peoples Sri Lanka Fuel Crisis

By Dilakshan Mar 22, 2026 04:16 AM GMT

Dilakshan

in சமூகம்

Report

சமீபத்திய டீசல் விலை உயர்வைத் தொடர்ந்து பேருந்துக் கட்டணங்கள் குறைந்தபட்சம் 15 சதவீதம் உயரும் என எதிர்பார்க்கப்படுவதாக இலங்கை தனியார் பேருந்து உரிமையாளர்கள் சங்கம் (LPBOA) தெரிவித்துள்ளது.

குறைந்தபட்ச பேருந்துக் கட்டணம் திருத்தியமைக்கப்படும் என்றும், குறைந்தபட்ச மற்றும் நெடுந்தூரப் பயணங்களுக்கான புதிய கட்டணங்கள் இன்று அறிவிக்கப்படும் என்றும் LPBOA தலைவர் ஜெமுனு விஜேரத்ன கூறியுள்ளார்.

சமீபத்தில் எரிபொருள் ஒதுக்கீடு அதிகரிக்கப்பட்ட போதிலும், கட்டணத் திருத்தம் இல்லாமல் அதிகரித்து வரும் செயல்பாட்டுச் செலவுகளைச் சமாளிக்க பேருந்து நடத்துநர்கள் சிரமப்படுவதாக விஜேரத்ன சுட்டிக்காட்டியுள்ளார்.

பாடசாலை போக்குவரத்து கட்டணம்

எரிபொருள் விலையில் ஏற்பட்ட கடுமையான உயர்வால் கணிசமான எண்ணிக்கையிலான தனியார் பேருந்துகள் ஏற்கனவே தங்கள் சேவையை நிறுத்திவிட்டதாகவும், நிவாரண நடவடிக்கைகள் செயல்படுத்தப்படாவிட்டால் மேலும் இடையூறுகள் ஏற்படும் என்றும் அவர் மேலும் தெரிவித்துள்ளார்.

இந்த நிலையில், சமீபத்திய எரிபொருள் விலை உயர்வுக்கு ஏற்ப புதிய பேருந்துக் கட்டணங்கள் இன்று வெளியிடப்படும் என தேசியப் போக்குவரத்து ஆணைக்குழு (NTC) அறிவித்துள்ளது.

மேலும், பாடசாலை மாணவர் போக்குவரத்து கட்டணங்கள் பத்து வீதம் உயர்த்தப்படும் என்று இலங்கை பாடசாலை மாணவர்கள் போக்குவரத்து சங்கத்தின் தலைவரும் அறிவித்துள்ளார்.