கனடாவில் கொல்லப்பட்ட இலங்கை குடும்பத்தாரின் இறுதிச் சடங்குகள் நிறைவு
கனடாவின் தலைநகர் ஒட்டாவாவில் வசிக்கும் படுகொலை செய்யப்பட்ட இலங்கையர்கள் 6 பேருக்கும் நேற்றைய தினம்(17)இறுதிச்சடங்குகள் முன்னெடுக்கப்பட்டுள்ளது.
இந்த இறுதி அஞ்சலி நிகழ்வில் நூற்றுக்கணக்கான மக்கள் கலந்து கொண்டு அஞ்சலி செலுத்தியுள்ளனர்.
பல மதத்தினரும் இந்த நிகழ்வில் கலந்து கொண்டுள்ளார்கள்.
மோசமான கொலை
ஒட்டாவா நகர வரலாற்றிலேயே மிகவும் மோசமான கொலையாக பார்க்கப்படும் 35 வயதான தர்ஷனி (Darshani Ekanayake), இவரது நான்கு பிள்ளைகள் மற்றும் குடும்ப நண்பர் ஒருவரும் மார்ச் 6ம் திகதி படுகொலை செய்யப்பட்டனர்.
முகம் மற்றும் கைகளில் காயங்களுடன் உயிர் தப்பிய தனுஷ்க விக்கிரமசிங்க (தர்ஷனியின் கணவர்) மருத்துவமனையில் சேர்ப்பிக்கப்பட்டு குணமடைந்து வருகிறார்.
இறுதிச்சடங்கு நிகழ்வின் போது விக்கிரமசிங்க கண்ணீர் விட்டு அழுத நிலையிலேயே காணப்பட்டார். குடும்ப உறுப்பினர்கள் அவருக்கு ஆறுதல் கூறினர்.
கனடாவில் இறுதிச்சடங்கு
இறுதிச்சடங்கு நிகழ்வின் போது பேசிய புத்த துறவி அஜான் விரதம்மோ (Ajahn Viradhammo), விரக்தி அல்லது கோபத்தில் சமநிலை இழப்பதற்குப் பதிலாக ஒருவரையொருவர் ஆதரிப்பதில் கவனம் செலுத்த வேண்டும் என்று கேட்டுக்கொண்டார்.
மேலும், இது போன்ற இருளடைந்த தருணங்களில், இதயத்தின் ஆழத்தில் இருக்கும் இரக்கம் மற்றும் ஞானத்திலிருந்து நாம் வலிமையைப் பெற வேண்டும் என்றும் அவர் குறிப்பிட்டுள்ளார்.
பிரார்த்தனை முன்னெடுக்கப்பட்ட அறையில் 5 சவப்பெட்டிகள் வைக்கப்பட்டிருந்தது. அதில் ஒன்றில் தர்ஷனி மற்றும் அவரது இரண்டு மாத பிஞ்சு குழந்தையின் புகைப்படங்கள் காணப்பட்டன.
இரங்கல் அறிக்கை
இறுதிச்சடங்கு நிகழ்வில் பௌத்த மத சடங்குகளும் பல்வேறு மதங்களைச் சேர்ந்த போதகர்களின் ஆராதனைகளும் முன்னெடுக்கப்பட்டன.
அத்துடன் பிரதமர் ஜஸ்டின் டுரூடோ சார்பில், இரங்கல் அறிக்கை ஒன்றும் வாசிக்கப்பட்டது.
படுகொலை சம்பவத்தில் தொடர்புடைய 19 வயது பெப்ரியோ டி-சொய்சா(Febrio De-Zoysa) என்ற இலங்கை இளைஞரை காவல்துறையினர் சம்பவத்தன்றே கைது செய்திருந்தனர். அவர் மீது ஆறு முதல் நிலை கொலை மற்றும் ஒரு கொலை முயற்சி குற்றச்சாட்டுகள் சுமத்தப்பட்டுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
ஆலங்குளாய், சங்கானை, யாழ்ப்பாணம், Dammam, Saudi Arabia, Rheine, Germany, Rushden, United Kingdom
29 Jul, 2024
பருத்தித்துறை, திருகோணமலை, London, United Kingdom, Birmingham, United Kingdom
21 Jul, 2025
Kedah, Malaysia, சண்டிலிப்பாய், Cheam, United Kingdom
04 Aug, 2024
