விமல் - கம்மன்பில உள்ளிட்ட 6 பேருக்கு எதிரான வழக்கு : நீதிமன்றின் உத்தரவு
நாடாளுமன்ற உறுப்பினர் திலித் ஜயவீர, முன்னாள் நாடாளுமன்ற உறுப்பினர்களான விமல் வீரவன்ச மற்றும் உதய கம்மன்பில உள்ளிட்ட ஆறு பேருக்கு எதிராக, நீதிமன்ற அவமதிப்பு குற்றச்சாட்டின் கீழ் தாக்கல் செய்யப்பட்டுள்ள வழக்கு இன்று (07) மேன்முறையீட்டு நீதிமன்றத்தில் விசாரணைக்கு வந்தது.
குறித்த ஆறு பேரும் நீதிமன்றத்தை அவமதித்ததாகக் குற்றம் சாட்டி, கொழும்பு கோட்டை நீதவான் நீதிமன்றத்தால் இந்த முறைப்பாடு மேன்முறையீட்டு நீதிமன்றத்திற்குப் பரிந்துரைக்கப்பட்டிருந்தது.
மேன்முறையீட்டு நீதிமன்ற நீதியரசர் ரோஹந்த அபேசூரிய மற்றும் நீதியரசர்கள் சமத் மொரைஸ், ஆதித்ய பட்டபெந்திகே ஆகியோர் அடங்கிய மூவர் கொண்ட மேன்முறையீட்டு நீதிமன்ற அமர்வு முன்னிலையில் இந்த வழக்கு விசாரணைக்கு எடுத்துக்கொள்ளப்பட்டது.
மீண்டும் விசாரணைக்கு எடுத்துக்கொள்ளல்
விசாரணையின் போது, சம்பந்தப்பட்ட தரப்பினர் சார்பில் முன்னிலையான சட்டத்தரணிகள் கோரியிருந்த ஆவணங்கள் மற்றும் தகவல்களை வழங்குவதற்குத் தேவையான நடவடிக்கைகளை மேற்கொள்ளுமாறு நீதிமன்றப் பதிவாளருக்கு குறித்த அமர்வு உத்தரவிட்டது.
அந்த ஆவணங்கள் மற்றும் தகவல்களை வழங்குவதில் ஏற்பட்டுள்ள முன்னேற்றத்தை மீளாய்வு செய்வதற்காக, இவ்வழக்கை ஒக்டோபர் 15 ஆம் திகதி காலை மீண்டும் விசாரணைக்கு எடுத்துக்கொள்ளுமாறு உத்தரவிடப்பட்டது.
அத்துடன், சம்பந்தப்பட்ட தரப்பினரைப் பிரதிநிதித்துவப்படுத்தும் சட்டத்தரணிகள் தங்கள் வாதங்களை முன்வைப்பார்கள் என எதிர்பார்க்கப்படும் நிலையில், இவ்வழக்கை ஒக்டோபர் 23ஆம் திகதி பிற்பகல் விசாரணைக்கு எடுத்துக்கொள்ளவும் மேன்முறையீட்டு நீதிமன்றம் தீர்மானித்தது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
புலோலி கிழக்கு, Villeneuve-Saint-Georges, France
30 Sep, 2026
