ஆச்சரியத்தில் உலகம் : சீனாவிலிருந்து வெளியான அதிகாரபூர்வ அறிவிப்பு

Government of China China World Economic Crisis China Ship In Sri Lanka Iran-US Conflict

By Thulsi Apr 16, 2026 06:23 AM GMT

Thulsi

in சீனா

Report

ஈரான் போர் உலக வர்த்தகத்தைப் பாதித்துள்ள நிலையில், 2026 ஆம் ஆண்டின் முதல் காலாண்டில் சீனாவின் மொத்த உள்நாட்டு உற்பத்தி 5% வளர்ச்சியடைந்துள்ளதாக அறிவித்துள்ளது.

அமெரிக்காவும் இஸ்ரேலும் ஈரானுக்கு எதிராகப் போரைத் தொடங்கிய பிறகு, உலகின் இரண்டாவது பெரிய பொருளாதாரம் கொண்ட சீனா, முதல் காலாண்டு மொத்த உள்நாட்டு உற்பத்தி வளர்ச்சியை அறிவித்த முதல் பெரிய நாடாகும்.

ஈரான் போரினால் ஏற்பட்ட எரிசக்தி நெருக்கடிகளை முறியடித்து, சீனப் பொருளாதாரம் எதிர்பார்த்ததை விட அதிக வளர்ச்சியைப் பதிவு செய்துள்ளதாக அந்நாட்டு ஊடகங்கள் தெரிவிக்கின்றன.

ஏற்றுமதி வர்த்தகமே முக்கிய காரணம்

இதற்கு முந்தைய காலாண்டில் சீனாவின் மொத்த தேசிய உற்பத்தி 4.5% ஆகக் காணப்பட்டது.

பொருளாதார நிபுணர்கள் இந்த ஆண்டு வளர்ச்சி 4.7% ஆக இருக்கும் என்று கணித்திருந்த நிலையில், அது 5% வரை உயர்ந்ததற்கு சீனாவின் வலுவான ஏற்றுமதி வர்த்தகமே முக்கிய காரணமாக அமைந்ததாக அந்நாட்டு அறிக்கைகள் சுட்டிக்காட்டுகின்றன.

ஆச்சரியத்தில் உலகம் : சீனாவிலிருந்து வெளியான அதிகாரபூர்வ அறிவிப்பு | China Records 5 Gdp Growth In First Quarter

ஈரான் - அமெரிக்கப் போரின் விளைவாக எரிபொருள், இரசாயனப் பொருட்கள் மற்றும் உலோகங்களின் விலைகள் அதிகரித்துள்ளன.

இந்த விலை உயர்வு மொத்த உள்நாட்டு உற்பத்தி மதிப்புகளிலும் தாக்கத்தை ஏற்படுத்தியுள்ளதாகக் கூறப்படுகிறது.

முதல் காலாண்டில், சீனாவின் பசுமைத் தொழில்நுட்ப ஏற்றுமதி அதிகரித்தது. மின்சார வாகனங்கள், லித்தியம் பேட்டரிகள், காற்றாலை விசையாழிப் பொருட்கள் ஆகியவற்றின் ஏற்றுமதி கடந்த ஆண்டுடன் ஒப்பிடுகையில் முறையே 78%, 50%, மற்றும் 45% அதிகரித்துள்ளதாக சுங்க அதிகாரிகள் தெரிவித்தனர்.