விண்வெளி அறிவியலில் ஈடுபட சீனா - இலங்கை பேச்சு
உலகிலேயே மிகக் குறைந்த ஈர்ப்பு விசை கொண்ட பகுதியாக தென்னிலங்கை அடையாளம் காணப்பட்டுள்ளது.
விண்கலங்களை தரையிறக்க தென் பகுதி பெருங்கடல் மிகவும் பொருத்தமானது என்பதால் இரு நாடுகளும் விண்வெளி அறிவியலில் ஒத்துழைக்க முடியும் என பிரதமர் தினேஷ் குணவர்தன தெரிவித்தார்.
இன்று(22) அலரி மாளிகையில் சீன உயர்மட்டக் குழுவுடனான சந்திப்பின் போதே பிரதமர் இவ்வாறு தெரிவித்தார்.
சீன ஆதரவு
தற்போது கடனை மறுசீரமைப்பதற்கும் எதிர்காலத்தில் பொருளாதாரத்தை மேலும் வலுப்படுத்துவதற்கும் சீனாவின் ஆதரவை இலங்கை எதிர்பார்க்கிறது என்றும் பிரதமர் கூறினார்.
உற்பத்தியை பல மடங்கு அதிகரிக்க கலப்பின நெல் மற்றும் பிற உணவுப் பயிர்களைப் பயன்படுத்துவதன் மூலம் வறுமையை வெற்றிகரமாக ஒழித்து, உணவுப் பாதுகாப்பை உறுதி செய்த சோங்கிங்கின் அனுபவத்தைப் பகிர்ந்து கொள்ளுமாறு பிரதமர் தூதுக்குழுவிடம் கேட்டுக்கொண்டார்.
தொழில்துறை மற்றும் விவசாயத் துறைகளில் பெரிய அளவிலான முதலீடுகளை ஊக்குவிப்பதன் மூலம் சீனா தனது முழு ஒத்துழைப்பையும் வழங்கும் என்று சீன கம்யூனிஸ்ட் கட்சியின் செயலாளர் யுவான் ஜியாஜுன் உறுதியளித்தார்.
அத்துடன், கலப்பின நெல் வகைகள் மற்றும் ஏனைய உணவுப் பயிர்கள் தொடர்பான நிபுணர்களை இலங்கைக்கு வழங்குவதற்கும் அவர் இணக்கம் தெரிவித்தார்.
இதன்போது விவசாயம், தொழில், கல்வி மற்றும் பிற துறைகளில் சீனாவின் ஆதரவுக்கு பிரதமர் நன்றி தெரிவித்தார்.
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
