தரமற்ற மருந்து இறக்குமதி : சுகாதாரத் துறையின் உயர் அதிகாரிகளிடம் சி.ஐ.டி வாக்குமூலம்
இலங்கைக்கு தரமற்ற இம்யூனோகுளோபுலின் தடுப்பூசிகளை இறக்குமதி செய்த சம்பவம் தொடர்பில் குற்றப் புலனாய்வுத் திணைக்களம் சுகாதாரத் துறையில் உள்ள உயர் அதிகாரிகள் பலரிடமிருந்து வாக்குமூலங்களைப் பதிவு செய்துள்ளது.
அரச மருந்தாக்கல் கூட்டுத்தாபனம் மற்றும் மருந்து விநியோக திணைக்களத்தின் பிரதிநிதிகள் பலரிடம் இவ்வாறான வாக்குமூலங்கள் பதிவு செய்யப்பட்டுள்ளதாக குற்றப் புலனாய்வு திணைக்களத்தின் சிரேஷ்ட பேச்சாளர் ஒருவர் ஊடகமொன்றிற்கு தெரிவித்தார்.
குறித்த இம்யூனோகுளோபுலின் தடுப்பூசியை இறக்குமதி செய்தமை தொடர்பில் முன்னாள் சுகாதார அமைச்சர் கெஹெலிய ரம்புக்வெல்ல உள்ளிட்ட 8 பேர் தற்போது விளக்கமறியலில் வைக்கப்பட்டுள்ளனர்.
சேமித்து வைக்கப்பட்டுள்ள மருந்துகள்
இதேவேளை, வத்தளை, வெலிசறை மற்றும் களனி ஆகிய பகுதிகளிலுள்ள கொள்கலன் முனையங்களில் மில்லியன் கணக்கான அமெரிக்க டொலர் பெறுமதியான அத்தியாவசிய மருந்துகள் பாதுகாப்பற்ற முறையில் சேமித்து வைக்கப்பட்டுள்ளமை தொடர்பில் சுகாதார அமைச்சு விசேட விசாரணைகளை ஆரம்பித்துள்ளது.
அத்துடன், அந்த கொள்கலன்களில் இருப்பதாக கூறப்படும் “மெரபனம்” என்ற வலிமையான நுண்ணுயிர் எதிர்ப்பியின் தரம் தொடர்பில் பிரச்சினை எழுந்துள்ளதாக சுகாதார அமைச்சு தெரிவித்துள்ளது
களனி, வெலிசறை மற்றும் வத்தளை ஆகிய இடங்களில் அமைந்துள்ள முனையங்களில் இந்த மருந்து கொள்கலன்கள் பாதுகாப்பற்ற முறையில் சேமித்து வைக்கப்பட்டுள்ளதாகவும், இவ்வாறாக சுமார் 20 கொள்கலன்கள் இருப்பதாகவும் தெரிவிக்கப்படுகிறது.
சமல் சஞ்சீவ கோரிக்கை
பாதுகாப்பற்ற முறையில் சேமிக்கப்பட்ட மருந்து கொள்கலனில் "மெரபனம்" என்ற நுண்ணுயில் எதிர்ப்பி தடுப்பூசியின் சுமார் 4 இலட்சத்து 50 ஆயிரம் குப்பிகள் உள்ளன. இந்த தடுப்பூசி இருதய நோயாளர்கள் மற்றும் புற்றுநோயாளர்களுக்கு சிகிச்சைக்காக வழங்கப்படுவதாக தெரிவிக்கப்பட்டுள்ளது.
கெஹெலிய ரம்புக்வெல்ல சுகாதார அமைச்சராக இருந்த காலத்தில் வழங்கப்பட்ட அனுமதியின் அடிப்படையில் இறக்குமதி செய்யப்பட்ட இந்த மருந்துகள் அடங்கிய கொள்கலன்கள் தொடர்பில் பூரண விசாரணை நடத்தப்பட வேண்டுமென சிவில் உரிமைகளுக்கான வைத்தியர் தொழிற்சங்க கூட்டமைப்பின் தலைவர் வைத்தியர் சமல் சஞ்சீவ கோரிக்கையொன்றையும் விடுத்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
விடுதலைப் புலிகளை வணங்கிய சிங்களவர்கள் ! 3 நாட்கள் முன்
வல்வெட்டித்துறை, காரைதீவு, மட்டக்களப்பு, முல்லைத்தீவு, Markham, Canada
09 Dec, 2024
தொல்புரம், மலேசியா, Malaysia, கொட்டடி, Scarborough, Canada
12 Dec, 2024
ஊர்காவற்துறை, பிரித்தானியா, United Kingdom, கனடா, Canada
15 Dec, 2022
புங்குடுதீவு 12ம் வட்டாரம், புங்குடுதீவு 11ம் வட்டாரம், கனடா, Canada
03 Dec, 2014
கந்தரோடை, கரம்பன், யாழ்ப்பாணம், வெள்ளவத்தை, கொழும்பு சொய்சாபுரம்
14 Dec, 2019
