கொழும்பில் நள்ளிரவில் நடந்த துப்பாக்கி சூடு :மர்ம நபர்கள் தப்பியோட்டம்

Sri Lanka Police Colombo Sri Lanka Police Investigation

By Laksi Feb 14, 2024 06:00 AM GMT

Laksi

in சமூகம்

Report

கொழும்பில் முகத்துவாரம் காவல்துறை பிரிவுக்குட்பட்ட பகுதியில் இடம்பெற்ற துப்பாக்கிச் சூட்டில் ஒருவர் காயமடைந்துள்ளார்.

குறித்த துப்பாக்கி சூட்டு சம்பவமானது நேற்று(13) இரவு இடம் பெற்றுள்ளதாக காவல்துறையினர் தெரிவித்துள்ளனர்.

இச்சம்பவத்தில் காயமடைந்தவர் கொழும்பு தேசிய வைத்தியசாலையில் அனுமதிக்கப்பட்டுள்ளதாக குறிப்பிட்டுள்ளனர்.

இனந்தெரியாத நபர்கள்

இச்சம்பவத்தில் கொழும்பு 14, மஹவத்தை பிரதேசத்தில் வசிக்கும் 51 வயதுடைய ஒருவரே இவ்வாறு காயமடைந்துள்ளார்.

மேலும் காயமடைந்தவர் மோதர வீதியில் உள்ள உணவகம் ஒன்றின் முகாமையாளராக பணியாற்றி வருவதாக விசாரணையில் தெரியவந்துள்ளது.

கொழும்பில் நள்ளிரவில் நடந்த துப்பாக்கி சூடு :மர்ம நபர்கள் தப்பியோட்டம் | Colombo Gun Shooting

இந்நிலையில் குறித்த நபர், நேற்று இரவு அந்த உணவகத்தின் நுழைவாயிலுக்கு அருகில் இருந்த போது காரில் வந்த இனந்தெரியாதோரால் இந்த துப்பாக்கி பிரயோகம் நடத்தப்பட்டுள்ளது.

மேலதிக விசாரணை

சந்தேகநபர்கள் தப்பிச் சென்றுள்ளதாகவும் துப்பாக்கிச் சூட்டுக்கு கைத்துப்பாக்கி பயன்படுத்தப்பட்டிருக்கலாம் என சந்தேகிக்கப்படுவதாகவும் காவல்துறையினர் தெரிவித்துள்ளனர்.

துப்பாக்கிச் சூட்டுக்கான காரணம் இதுவரை தெரியப்படாத நிலையில், சம்பவம் தொடர்பான மேலதிக விசாரணைகளை காவல்துறையினர் முன்னெடுத்து வருவதாக குறிப்பிட்டுள்ளனர்.