இஸ்ரேல் பிரதமரை சுட்டுக் கொல்ல வேண்டும் : அமைச்சரின் பரபரப்பு பேச்சு

Israel World Israel-Hamas War

By Beulah Nov 18, 2023 06:12 PM GMT

Beulah

in உலகம்

Report

விசாரணை எதுவும் மேற்கொள்ளாமல் நெதன்யாகுவை சுட்டுக் கொல்வதற்கான நேரமிது என காங்கிரஸ் அமைச்சர் ராஜ்மோகன் உன்னிதன் தெரிவித்துள்ளார்.

கேரளாவில் இடம்பெற்ற, பலஸ்தீனர்களுக்கு ஆதரவான, காசர்கோடு பகுதியை சேர்ந்த ஐக்கிய முஸ்லிம் ஜமாத் அமைப்பு சார்பில் பேரணியில் கலந்துகொண்டு உரையாற்றும் போதே அவர் மேற்கண்டவாறு குறிப்பிட்டுள்ளார்.

இவ்விடயம் தொடர்பில் மேலும் அவர் தெரிவிக்கையில்,

ஜெனீவா உடன்படிக்கை

“ஜெனீவா உடன்படிக்கையின் கீழுள்ள அனைத்து ஒப்பந்தங்களையும் மீறுபவர்களை என்ன செய்ய வேண்டும்? என நீங்கள் கேட்கலாம்.

இஸ்ரேல் பிரதமரை சுட்டுக் கொல்ல வேண்டும் : அமைச்சரின் பரபரப்பு பேச்சு | Congress Mp Says Netanyahu Shot And Killed

2-ம் உலக போருக்கு பின்னர், போர் குற்றங்களில் ஈடுபட்டவர்களை (நாஜிக்கள்) நீதியின் முன் கொண்டுவந்து நிறுத்துவதற்கான விசாரணை நடந்தது.

அப்போது, போர்க் குற்றவாளிகளை விசாரணையின்றி சுட்டுக் கொல்லும் நடைமுறை இருந்தது.

இது இஸ்ரேல் பிரதமருக்கும் பொருந்தும். உலகத்தின் முன் நெதன்யாகு இன்று போர் குற்றவாளியாக நிற்கிறார்.

பலஸ்தீனர்கள் மீது அவருடைய படைகளை அனுப்பி அராஜகங்களில் ஈடுபட்டுக் கொண்டிருக்கிறார்.” என்றார்.

இஸ்ரேல் - ஹமாஸ் போர்

இஸ்ரேல் மீது ஒக்டோபர் 7ஆம் திகதி ஹமாஸ் பயங்கரவாத அமைப்பு ஆயிரக்கணக்கான ரொக்கெட்டுகளை வீசி தாக்குதல் நடத்தியது.

எல்லைப் பகுதியையும் சூறையாடியது. இதற்கு இஸ்ரேலும் பதிலடி கொடுத்து வருகிறது.

இரு தரப்பினருக்கும் இடையேயான மோதல் ஒரு மாதத்திற்கும் மேலாக தொடர்ந்து நீடித்து வருகிறது. இந்த போரில் 11 ஆயிரம் பலஸ்தீனியர்கள் உயிரிழந்துள்ளனர். 2,700 பேர் காணாமல் போயுள்ளனர்.

இஸ்ரேலில் 1,200 பேர் உயிரிழந்து இருக்கின்றனர். இதுதவிர, இஸ்ரேலில் இருந்து காசாவுக்கு 240 பேர் பணய கைதிகளாக பிடித்து செல்லப்பட்டு உள்ளனர்.

அவர்களை மீட்கும் தீவிர பணியில் இஸ்ரேல் பாதுகாப்பு படை ஈடுபட்டு வருகிறது. இதற்காக, தரைவழி தாக்குதலையும் முன்னெடுத்து வருகின்றமை குறிப்பிடத்தக்கது.