வெடுக்குநாறி மலைக்கு செல்லும் பக்தர்கள் தொடர்பில் நீதிமன்றத்தின் அதிரடி உத்தரவு!
வெடுக்குநாறி மலை பிரதேசத்தில் வழிபாடுகளை நடத்துவதற்கு பக்தர்கள் சொல்வதை எந்த அரச அதிகாரியும் தடுக்க கூடாது என வவுனியா நீதிவான் நீதிமன்றத்தால் உத்தரவு வழங்கப்பட்டு, காவல்துறையினருக்கும் அறிவுறுத்தப்பட்டுள்ளது.
இதனை, அதிபர் சட்டத்தரணியும், நாடாளுமன்ற உறுப்பினருமான எம். ஏ. சுமந்திரன் தெரிவித்துள்ளார்.
வெடுக்குநாறி ஆதிலிங்கேஸ்வரர் ஆலயத்தின் விக்கிரகங்கள் உடைக்கப்பட்டமை தொடர்பான வழக்கு விசாரணை வவுனியா நீதிவான் நீதிமன்றத்தில் எடுத்துக்கொள்ளப்பட்ட நிலையில் குறித்த வழக்கில் முன்னிலையான அதிபர் சட்டத்தரணி எம். ஏ. சுமந்திரன் ஊடகங்களுக்கு இவ்வாறு தெரிவித்துள்ளார்.
எம். ஏ. சுமந்திரன்
தொடர்ந்தும் வழக்கின் தீர்ப்புகள் தொடர்பில் அவர் கருத்து தெரிவிக்கையில்,
வெடுக்குநாறி மலையில் ஆதி லிங்கேஸ்வரர் சிலைகளை உடைத்தது சம்பந்தமான வழக்கு வவுனியா நீதிவான் நீதிமன்றத்தில் எடுத்துக்கொள்ளப்பட்டது.
இந்த வழக்கில் காவல்துறையினர், இனந்தெரியாத நபர்களினால் வணக்கத்திற்குரிய விக்கிரகங்கள் உடைக்கப்பட்டமை தொடர்பாக தகவல் கொடுத்துள்ளார்கள்.
இது தொடர்பில் எவரும் கைது செய்யப்படவில்லை எனவும், தொடர்ந்தும் விசாரணைகளை முன்னேடுப்பதாக சொல்கின்றனர்.
கடந்த தினத்தில் மேலதிகமாக அறிக்கைகள் சமர்ப்பிக்குமாறு நீதிவான் உத்தரவிட்டதற்கமைவாக, இன்று குறித்த இடத்தில் நீண்டகாலமாக பூசை வழிபாடுகள் இடம்பெற்றமைக்கான புகைப்பட ஆதாரங்களை அவர்களே சமர்ப்பித்துள்ளனர்.
அதுமட்டுமன்றி இது தொல்லியலுக்குரிய பிரதேசமென்றும், இன்று நாங்கள் செய்த விண்ணப்பத்திற்கு பதில் அளிப்பதற்கு அரச சட்டத்தரணியும் உதவியை நாடியுள்ளதாகவும், அதற்காக பிறிதொரு தினத்தையும் கேட்டிருந்தார்கள்.
நீதிமன்ற உத்தரவு
எமது அரசியலமைப்பின் 10 ஆம் 14:1 உறுப்புரைகளின் கீழ் மத வழிபாடு என்பது எவராலும் மட்டுப்படுத்த முடியாத உரிமைகள். மரத்தையோ கல்லையோ வழிபடலாம் அதற்கு பூரண உரிமையுள்ளது.
அந்த மரம் வனப்பிரதேசத்தில் இருப்பதால் வணங்க முடியாது என எவரும் கூறமுடியாது.
ஒரு கல் தொல்லியலுக்குரியது என்பதற்காக அதனை வணங்க முடியாது என எவரும் கூற முடியாது.
அவ்வாறு சொல்வதாக இருந்தால் அனுராதபுரத்திற்கும், பொலன்நறுவைக்கும் சென்று எவரும் வழிபட முடியாது.
இந்த விடயங்கள் இன்று நீதிமன்றத்தில் சுட்டிக்காட்டப்பட்ட பின்னர் நீதவான் இடைக்கால உத்தரவை வழங்கியுள்ளார்.
அதாவது வெடுக்குநாறி பிரதேசத்திலே வணக்கங்களை நடத்துவதற்கு பக்தர்கள் சொல்வதை எந்த அரச அதிகாரியும் தடுக்க கூடாது என உத்தரவு கொடுக்கப்பட்டு, காவல்துறையினருக்கும் அறிவுறுத்தப்பட்டுள்ளது.
உடைக்கப்பட்ட சிலைகளை மீள பிரதிஷ்டை செய்வதற்கு தொல்லியல் பிரதேசம் என்ற காரணத்தினாலே அரச சட்டத்தரணியும் வந்த பிறகு ஒரு விண்ணப்பத்தை செய்வதாக சொல்லியிருக்கின்றேன்" என எம். ஏ. சுமந்திரன் தெரிவித்துள்ளார்.
சித்திரவதையின் காயங்கள் உடலில் மாத்திரம் தெரிவதல்ல…
4 நாட்கள் முன்
தமிழர் தேசத்தை உலுக்கும் வீதி விபத்துக்கள்...
1 வாரம் முன்
யாழ் கோப்பாய் வடக்கு, Jaffna, Scarborough, Canada, Whitby, Canada
28 Jun, 2026
புங்குடுதீவு 5ம் வட்டாரம், யாழ்ப்பாணம், Fareham, United Kingdom
04 Jul, 2023
புங்குடுதீவு 1ம் வட்டாரம், வேலணை மேற்கு, வேலணை வடக்கு, London, United Kingdom
27 Jun, 2026
Negeri Sembilan, Malaysia, சுன்னாகம், யாழ்ப்பாணம், Wembley, United Kingdom, Gaborone, Botswana
30 Jun, 2021
யாழ்ப்பாணம், கிளிநொச்சி, கண்டி, Woodbridge, Canada
28 Jun, 2026
