அதிபர் நியமனத்தில் ஏற்பட்டுள்ள தாமதம் : 54 தேசிய பாடசாலைகளில் நெருக்கடி

Ministry of Education A D Susil Premajayantha G.C.E.(A/L) Examination Sri Lankan Schools Education

By Kathirpriya Feb 14, 2024 08:58 AM GMT

Kathirpriya

in வேலை வாய்ப்பு

Report

54 தேசிய பாடசாலைகளுக்கு அதிபர்களை நியமிக்க முடியாத நிலை ஏற்பட்டுள்ளதாக கல்வி அமைச்சர் சுசில் பிரேம்ஜயந்த தெரிவித்துள்ளார்.

அரச சேவைகள் ஆணைக்குழுவின் அங்கீகாரம் வழங்கப்படாததே இதற்கு காரணம் எனவும் அவர் மேலும் கூறியுள்ளார்.

இது தொடர்பாக அவர் மேலும் கருத்துத் தெரிவிக்கையில்,

வினைத்திறனற்ற பணி

"சுயாதீன ஆணைக்குழுவிற்கு ஓய்வுபெற்ற நபர்களை நியமித்ததன் மூலம் அதன் பணி வினைத்திறனற்றதாக மாறியுள்ளது.

அதிபர் நியமனத்தில் ஏற்பட்டுள்ள தாமதம் : 54 தேசிய பாடசாலைகளில் நெருக்கடி | Crisis In 54 National Schools For Select Principal

6 மாதங்களாக முயற்சித்து வருகின்ற போதும், அதனை வர்த்தமானியில் வெளியிட பொதுச் சேவை ஆணைக்குழு அங்கீகாரம் வழங்கவில்லை.

எனவே இந்த சுயாதீன ஆணைக்குழுக்கள் உருவாக்கப்பட்டாலும் ஓய்வு பெற்றவர்களை நியமித்து இந்த பிரச்சினைக்கு தீர்வு காண முடியாது, எனவே இது தொடர்பாக விரைவில் நாடாளுமன்றத்தில் விசேட உரையொன்றும் ஆற்றப்படவுள்ளது." என்றார்.

பெறுபேறுகள் வெளியீடு

மேலும், சாதாரண தரப் பரீட்சை ஆரம்பிப்பதற்கு முன்னர் உயர்தரப் பரீட்சை பெறுபேறுகளை வெளியிட நடவடிக்கை எடுக்கப்படும் எனவும் அமைச்சர் சுசில் பிரேம்ஜயந்த மேலும் குறிப்பிட்டுள்ளார்.

"உயர்தர வினாத்தாள்கள் மதிப்பீடு செய்யப்பட்டு வருகிற நிலையில்,எதிர்வரும் பெப்ரவரி மாத இறுதிக்குள் அது முடிவடையும், அதன்பிறகு, செயன்முறை பரீட்சைகள் இடம்பெறவுள்ளன.

இவை அனைத்தும் நிறைவடைந்த பின்னரே சாதாரண தர பரீட்சை தொடங்குவதற்கு முன்னர் பெறுபேறுகள் பரீட்சைகள் திணைக்களத்தினால் வெளியிடப்படவுள்ளதாக" அவர் கூறியிருந்தமை குறிப்பிடத்தக்கது.