அதிபர் தேர்தல் களத்திலிருந்து விலகுகிறார் தம்மிக்க பெரேரா..!

எதிர்வரும் அதிபர் தேர்தலில் சிறி லங்கா பொதுஜன பெரமுன சார்பாக போட்டியிடத் தயார் என அறிவித்திருந்த பிரபல வர்த்தகர் தம்மிக்க பெரேரா அந்த போட்டி களத்திலிருந்து விலக தீர்மானித்துள்ளதாக கொழும்பு ஊடகமொன்று தெரிவித்துள்ளது.

மொட்டு கட்சியினால் தன்னிடம் 10 நிபந்தனைகள் முன்வைக்கப்பட்டுள்ளதாகவும் அந்த 10 நிபந்தனைகளை நிறைவேற்ற தான் தயாராக இருப்பதாகவும் தம்மிக்க பெரேரா தெரிவித்திருந்தார்.

ரணில் விக்ரமசிங்க அதிபர் தேர்தலில் போட்டி

எனினும்,அதிபர் ரணில் விக்ரமசிங்கவும் அதிபர் தேர்தலில் போட்டியிடவுள்ளதாக ஐக்கிய தேசியக் கட்சியின் முக்கியஸ்தர்கள் ஊடகங்களில் பிரசாரம் செய்வதை கருத்திற்கொண்டு, தம்மிக்க பெரேரா தனது தேர்தல் பிரசாரத்தை தற்காலிகமாக இடைநிறுத்த தீர்மானித்துள்ளதாக தெரிவிக்கப்படுகின்றது.

ரணில் விக்ரமசிங்க அதிபர் தேர்தலில் போட்டியிடுவார் என ஐக்கிய தேசியக் கட்சியின் முக்கியஸ்தர்கள் அறிவித்திருந்த போதிலும், அது தொடர்பில் இதுவரை ரணில் எதனையும் தெரிவிக்கவில்லை.

திமுக எம் எல் ஏ குடும்பத்தின் அராஜகம்:வீட்டுப் பணிப்பெண் மீது கொடூர தாக்குதல்

எதிர்வரும் அதிபர் தேர்தலில் போட்டியிடுவதா இல்லையா என்பதை ஏப்ரல் முதல் வாரத்தில் தீர்மானிக்க ரணில் விக்கிரமசிங்க தயாராகவுள்ளார்.

எதிர்வரும் மார்ச் மாதம் வரை காலக்கெடு 

இதன்படி, அவருக்கு தீர்மானம் எடுப்பதற்கு எதிர்வரும் மார்ச் மாதம் வரை கால அவகாசம் வழங்க பொதுஜன பெரமுனவும் தீர்மானித்துள்ளதாக தெரியவந்துள்ளது.

எனினும், ரணில் விக்ரமசிங்க அல்லது தம்மிக்க பெரேரா அதிபர் தேர்தலில் ஆளும் கட்சியிலிருந்து போட்டியிடுவதில்லை எனத் தீர்மானித்தால், அதிபர் தேர்தலுக்கு ராஜபக்ச குடும்பத்திலிருந்து நாமல் ராஜபக்ச அல்லது ஷசீந்திர ராஜபக்சவை போட்டியிடுமாறு கட்சிக்கு யோசனை முன்வைக்கப்பட்டுள்ளதாக அறியமுடிகிறது. 

குற்றவாளி இன்றி 28 வருடங்களுக்கு பின்னர் விதிக்கப்பட்ட மரணதண்டனை